Årsmøtereferat

30.01.2012 Årsmøtet var på Arendal kulturhus 30. januar med deltakarar frå Venstre og Unge Venstre.

Årsmøtereferat 2012, Arendal kulturhus
30. januar kl 1800
Årsmøtet 2012
1. Godkjenning av innkalling og sakliste
2. Val av møteleiar og sekretær
3. Årsmelding 2011, ved Jan Kløvstad
4. Rekneskap med revisjonsrapport 2011,
5. Arbeidsplan 2012
6. Budsjett 2012
7. Lokallagskontingent 2013
8. Eventuelle fråsegner
9. Val ved Marianne S. Lyngvi


1. Godkjenning av innkalling og sakliste
Vedtak: Innkalling og sakliste godkjent.

2. Val av møteleiar og sekretær
Vedtak: Pål Koren Pedersen valt som møteleiar og Jan Kløvstad som sekretær.

3. Årsmelding 2011
Om aktiviteten i laget
Arendal Venstre tok initiativet til markering av Earth Hour i Arendal, og stod sentralt i arbeidet også i år, med markering laurdag 26. mars. Mange slokte lyset frå kl 2100 til kl 2200. Venstre stod på stand og delte ut brosjyrar på formiddagen
Lagsarbeidet i år har naturleg nok vore sterkt prega av valet og valkampen. I tillegg stilte Arendal Venstre to lag i Arendalsstafetten i mai, og vann mosjonsklassen klart. Venstre hadde valvake på Havnepuben.
Etter valet hadde Aslak Skripeland ansvaret for fleire lyttestands i sentrum av Arendal, der også fleire av andre styremedlemer og bystyremedlemer var med.
Aslak Skripeland bemanna stand for Arendal Venstre under den store frivilligdagen i Arendal kulturhus 6. november.

Bystyrearbeidet
Siste del av perioden 2007-2011:
Dega Abdi Aman og Jan Kløvstad var bystyremedlemer i perioden januar-september 2011, etter at den valte medlemen Anne Tørå Solsvik meldte flytting til Oslo hausten 2010. Dega Abdi Aman har møtt i oppvekstkomiteen, Jan Kløvstad i helse- og omsorgskomiteen og eindel som varamedlem for fleirtalet i planutvalet, formannskapet og administrasjonsutvalet.
Viktige saker for Venstre har vore å finne gode, grønne og framtidsretta løysingar i Barbu. Vi foreslo å dempe utbyggingsvolumet i Barbubukt, få større parkområde og lanserte i januar tanken om å bygge vest for planområdet – på begge sider av Skydebaneveien. I planutvalet blei Venstre ståande aleine, mens vi i bystyret i august fekk med Sosialistisk Venstreparti og Pensjonistpartiet i felles forslag som også Høgre stemte for til slutt. Venstres alternativ var det såkalla alternativ nr 3, moderat utbygging i vest og aust og park i midten for å ta vare på innsyn og utsyn frå strandstaden Barbu. Bystyrefleirtalet vedtok alternativ 7, med kraftig utbygging.
I heile perioden 2007-2011 har det vore viktig for oss å arbeide for differensiert bustadbygging. Vi ser tydelege skille mellom ulike delar av kommunen når det gjeld levekår, skoleresultat, arbeidsløyse, trygdeutbetalingar og andre indikatorar. Venstre har konsekvent – og ofte aleine – foreslått fleirfamiliebygg i alle reguleringsplanar i dei delane av kommunen dei sosiale levekåra er best, og vi har arbeidd for å finne attraktive tiltak i område der fleire slit. Eksempel på dette er sterk støtte til renovering av Stuenes skole, press for å få attraktive tomter på område som Saltrød og Eydehavn.
Vi har arbeidd aktivt for trygg og ny E18, og er dessverre blitt ståande heilt aleine i bystyret i ønsket om å få jernbanetrasé langs komande E18. Vi har også arbeidd for fysiske skille mellom dagens E18 og gang- og sykkelveg, og for gang- og sykkelvegar i heile kommunen. Vi har også deltatt i arbeidet for nytt hovudveg rundt Arendal og vore aktivt med i kommuneplanarbeidet.
Andre enkeltsaker er:
- Utbygging av Longum park, stort bustadfelt med 200 planlagte hus og leiligheiter, der Venstre har understreka
- Sykkelplan for Arendal
- Konsekvent prioritering av barn i alle reguleringsplanar og utbyggingsplanar, - plaskestrand viktigare enn båtplass
- Vi har følgt opp tidlegare forslag om moderat lønn og honorar til folkevalte, men kom i mindretal da vi lanserte politikarlønner rundt 15% lågare enn fleirtalet ville ha.
- I debatten Arbeidarpartiet, Framstegspartiet og Senterpartiet, med støtte frå Høgre, har reist om å forby tiggarar i byen har Venstre vist til at fattigdomen i verda er eit størreproblem enn at vi i Arendal også får sjå fattigdomen på nært hald.
- Både i helse- og omsorgskomiteen, i bystyret og i møte i regi av Amnesty og andre grupperingar har vi arbeidd for å følgje opp den vedtatte handlingsplanen mot vold, etter initiativ frå Amnesty og Venstre, og vi har halde foredrag (Amnesty) og appellar (demonstrasjon på Sam Eydes plass).
- Bystyregruppa har fleire gonger reist spørsmål om arbeidet i HERO, som vi meiner ikkje har gjort godt nok arbeid for asylsøkarane i kommunen.
- i helse- og omsorgspolitikken har vi lagt vekt på kvalitetstilbod til alle, og til å invitere frivillige organisasjonar og private aktørar inn i arbeidet. Men vi har ikkje funne grunn til å konkurranseutsette noen av dei institusjonane vi har. Vi vil ha alternative tilbod, og dei må vere bygde opp frå starten av, ikkje overta det som alt er bygd opp kommunalt.
- Også i år har vi sett på kvaliteten i skolen, og vi hadde ei grundig kartlegging av den mislykka leksehjelpsordninga 1.-4. klasse i alle skolane i kommunen. Vi ser nå at alle kommunar som har den kartlegginga Venstre i Arendal hadde, og som vi fekk bystyret til å be administrasjonen gjennomføre etterpå kjem til same konklusjonen: leksehjelpsordninga er eit feilgrep, og bør heller vere for eldre alderstrinn.
- andre viktige Venstresaker første halvår 2011 var at det bør bli graderte kulturskolesatsar for at alle kan ha råd til å gå der, at Venstre i Arendal vil fortsatt støtte Agder Teater og at det er viktig å styrke barnevernstenesta

Bystyreperioden frå september 2011:

Etter valet auka vi frå to til tre medlemer i bystyret. I budsjettbehandlinga for 2011 støtta vi posisjonens budsjett mot å få auka sosialhjelpsatsane til tilrådd nasjonalt nivå, og tilskot til Solmo-hytta som Aust-Agder lag av Norsk forbund for utviklingshemma har på Vegårshei. Vi har også arbeidd for styrking av budsjettet til ØIF Topphandball og biblioteket.

Viktige saker i tillegg til budsjettet har vore å ta godt vare på asylsøkarar i kommunen, finne dei beste løysingane for utbygging ved Batteriet med kulturvern som rettesnor, finne løysingar for seilsenter etter at Slaabervig blei stemt ned (med Venstres stemmer), støtte tiltak for gode ferie- og fritidstilbod for barn og unge frå ressurssvake familiar og kjempe for at det fortsatt skal vere gratis nå føde på sjukehuset i Arendal.


Medlemer
Arendal Venstre har nå 77 betalande medlemer, mot 67 medlemer i 2010 - ein netto framgang på 26 medlemer frå 2008.

Møte
Årsmøtet 2011 var på Arabic Mix 20. januar, med 19 frammøtte.
Styret har hatt fire møte og det har i tillegg vore åpne gruppemøte i Arendal Venstre mandagar i forkant av komitemøta i bystyret.

Heimesida
www.arendal.venstre.no er løpande oppdatert og framstår saman med Risør Venstre som landsdelens mest oppdaterte politiske heimeside. Det er skrive til saman 113 artiklar på heimesida i 2011. Besøket på heimesida til Arendal Venstre er høgt. Det er tydelig at både medlemmer, sympatisører, media og andre interesserte stadig følger med på Venstres heimesider.

Malen for heimesidene er laga i Venstre nasjonalt, og i Arendal Venstre har Jan Kløvstad redaktøransvaret for sidene.

Alle dei fremste tillitsvalte og folkevalte er presentert på heimesidene, saman med program for bystyreperioden, møtekalender, prinsipprogram, fylkestingsprogram og løpande oppdatering frå det politiske livet i Arendal. Alle artiklar kan ein lese ved å klikke på ”arkiv” og/eller ved å søke etter stikkord i eige søkefelt. Jan Kløvstad har også blogg i Agderposten.


Representasjon og deltakelse i andre Venstresammenhenger
På fylkesplan

Fylkestinget
Marianne Sigurdson Lyngvi er fylkestingsmedlem og leder av kultur- og næringskomiteen.

Fylkesårsmøtet 2011
Arendal Venstre stilte med sju utsendinger på fylkesårsmøtet i Aust-Agder Venstre og etableringsmøte for Agder Venstre i Grimstad i februar. Desse var valte som utsendingar: Cathrine Høyesen Hall, Pål Koren Pedersen, Marianne Sigurdson Lyngvi, Helene Falch Fladmark, Freddy Lomboto, Per Tore Woie, Anne Werchan, Elin Lunde.. Jan Kløvstad stilte som tilsett fylkessekretær. Elin Lunde blei valt som medlem i styret i Agder Venstre.

I lokalpolitiske nettverksamlingar i Mandal i mai og Vennesla i oktober Cathrine Høyesen Hall, Jan Kløvstad, Elin Lunde, Pål Koren Pedersen og Aslak Skripeland møtt på ei eller to samlingar.


På landsplan
Pål Koren Pedersen og Marianne Sigurdson Lyngvi var utsendingar for Aust-Agder Venstre på Venstres landsmøte.

Helene Falch Fladmark har vore medlem i valnemnda for Venstres landsmøte 2012.


Organisasjonsverv Arendal Venstre:

Styret i 2011:
Leder Cathrine Høyesen Hall (eitt år), Pål Koren Pedersen har fungert frå april.
Nestleder Pål Koren Pedersen (to år)
Kasserer Aslak Skripeland (to år)
Sekretær Anne Werchan (to år)
Medlemmer Helene Falch Fladmark og Per Tore Woie, Elin Lunde (to år)
Varamedlemer: Hilde Mjøs og Dega Abdi Aman
Gruppeleiar Jan Kløvstad tiltrer styret.

Opplæringsutval/studieutval: Jan Kløvstad og Freddy Lomboto.

Revisorar: Arne F. Eilertsen og Fred J. Engesæth (to år)

Forslag på utsendinger til fylkesårsmøtet i Aust-Agder Venstre og årsmøtet i Agder Venstre 12.-13. februar 2011 i Grimstad: (8 utsendingar pluss vara):
Cathrine Høyesen Hall, Pål Koren Pedersen, Aslak Skripeland, Helene Falch Fladmark, Per Tore Woie, Elin Lunde, Dega Abdi Aman. Vara Anne Werchan, Hilde Mjøs, Freddy Lomboto

Valkampnemnd for lokalvalkampen 2011:
Helene Falch Fladmark (leder), Pål Koren Pedersen, Cathrine Høyesen Hall,

Valnemnd for årsmøtet 2012:
Forslag: Marianne Sigurdson Lyngvi (leder), Tor-Ivar Karlsen og Jan Kløvstad.

Valkampen og valet 2011
Helene Falch Fladmark leia valkampnemnda, med dei frmeste kandidatane på lista som medlemer.
Cathrine Høyesen Hall leia programnemnda, med Fredrik W. Knudsen, Einar Bore, Elin Lunde, Nils Åge Vikingsdal og Jan Kløvstad som medlemer. Venstre sendte ut både valbrosjyre. Liste og felles fylkesprogram til alle husstandar, var aktive på stand, i media og møte i heile valkampen.

Venstre fekk 1360 stemmer, 6,8% og tre mandat i bystyret, og 1044 stemmer og 5,6% i fylkestingsvalet.

Sentrum 161 stemmer 11,9 %
Hisøy 173 stemmer 11,0 %
Birkenlund 161 stemmer 10,2 %
Myra/Bråstad 46 stemmer 7,3 %
Færvik 87 stemmer 7,0 %
Moltemyr 127 stemmer 5,8 %
Strømmen 42 stemmer 5,6 %
Nedenes 118 stemmer 5,4 %
Nesheim 45 stemmer 5,2 %
Asdal 96 stemmer 5,0 %
Sandnes 33 stemmer 4,6 %
Flosta 23 stemmer 4,5 %
Saltrød 47 stemmer 4,1 %
Strengereid 24 stemmer 4,1 %
Løddesøl 10 stemmer 4,0 %
Rykene 24 stemmer 3,6 %
Eydehavn 35 stemmer 2,7 %
Forhåndsstemmer 340 stemmer
Samlet 1360 stemmer 6,8%

Oversikt laga 15.9.11 Tønnes Christian Larssen.



Folkevalgte verv


Bystyret
Jan Kløvstad og Anne Tørå Solsvik blei valt som faste medlemmer av bystyret i 2007. Anne Tørå Solsvik flytta til Oslo i oktober 2010, og varamedlem Dega Abdi Aman rykka opp til fast medlem for resten av perioden.
I valet i september 2011 fekk Venstre i Arendal 1360 stemmer, 6,8% og Pål Koren Pedersen, Cathrine Høyesen Hall og Jan Kløvstad blei bystyremedlemer. Varamedlemer i rekkefølge er Elin Lunde, Freddy Lomboto, Dega Abdi Aman, Frank Beck og Anne Marit Tørå.

Andre verv og arbeidsoppgåver Venstre har tatt på seg:
Pål Koren Pedersen er gruppeleiar og medlem i formannskap, administrasjonsutval, valnemnd og komiteen for kultur, miljø og næring.
Cathrine Høyesen Hall er medlem i kommuneplanutvalet og komiteen for oppvekst.
Jan Kløvstad er nestleiar i komiteen for helse- og omsorg varamedlem til kommuneplanutvalet og andre varamedlem til formannskapet.

Havnestyret: Helene Falch Fladmark, medlem og Aslak Skripeland, varamedlem
Navnekomiteeen: Andras Raaum, medlem og Anne Marit Tørå, varamedlem
Heimevernsnemnd: Frank Beck, varamedlem
Stiftelsen Arendal byselskap: Elin Lunde, varamedlem
Friluftsrådet Sør: Pål Koren Pedersen varautsending til årsmøtet
Arendal revisjonsdistrikt: Torstein Andersen, varamedlem
Torbjørnsbu verksted as: Marianne Sigurdson Lyngvi
Arendal og omegn sparekasse, forstanderskapet: Cathrine Høyesen Hall
Rykene oppvekstsenter, samarbeidsutvalet: Aslak Skripeland, medlem og Freddy Lomboto, varamedlem
Løddesøl skole, samarbeidsutvalet: Dega Abdi Aman, varamedlem
Arendal Internasjonale skole, samarbeidsutvalet: Elin Lunde, medlem og Jan Kløvstad, varamedlem (funksjonstid fram til AIS blir privat frå hausten 2012)
Lia borettslag, styret: Anne Werchan, varamedlem
Egelundveien borettslag, styret: Petter Wold, styreleder
Canal Street, styret: Pål Koren Pedersen, varamdlem
Drosjesentralen, styret: Aslak Skripeland, varamedlem
Kontrollutvalet for alkoholloven: Anne Marit Tørå, varamedlem
Agder Renovasjon: Elin Lunde medlem av representantskapet og Jan Kløvstad varamedlem til styret.
Arendal Eiendom KF: Cathrine Høyesen Hall, varamedlem til styret
Sørnorsk filmsenter: Jan Kløvstad styremedlem med Amira Rizvanbegovic Pedersen som varamedlem.
Fylkesmøtet i KS (Kommunenes interesseorganisasjon): Cathrine Høyesen Hall
(denne lista blir supplert noe etter kvart som nye arbeidsoppgåver på vegner av bystyret blir fordelt.)


Vedtak: Årsmeldinga godkjent.

4. Rekneskap 2011
Årsrekneskapen viser underskot kr 12 000.
Vedtak: Årsrekneskapen godkjent under føresetnad av revisorgodkjenning.

5. Arendal Venstres årsplan 2012

Forslag frå styret:

Styremøte
Møteplan blir laga av det nye styret i første møte.

Åpne gruppemøte
Gruppemøta er opne for alle og er på mandagen kl 1800 før komitemøta i Arendal bystyre. Møtestad er grupperom i 2. etasje i kultur- og rådhuset. Saklista er bestemt ut frå kva som skal opp i bystyret, komitear og formannskap/planutval, pluss saker medlemer vil at bystyregruppa skal reise.

Fylkesårsmøte 4. februar i Lindesnes, 8 utsendingar

Earth Hour laurdag 24. mars kl 2100-2200, med stand på Sam Eydes plass 1100-1400.

Styret blir bedt om å legge til rette for Venstreskolen trinn 1 vår og haust. Fleire andre studieopplegg blir planlagte.
15.-17. august Arendalsveka
Tema- og miljøkveldar om Venstres hovudtema, med sosial samling etterpå


Årsmøte i januar 2013.

I 2011 var den vedtatte målsettinga å auke medlemstalet frå 67 til 75 i løpet av året. Vi nådde 77 og har 85 som mål for 2012.


Politiske mål i bystyret 2012:

Vi valte å gå i opposisjon, og har eit valteknisk samarbeid med dei andre opposisjonspartia. Målet er å gjennomføre mest mogleg av programmet vårt. Vi vil samarbeide konstruktivt med alle andre parti for å få gjennom sentrale Venstresaker.
Vedtak: Årsplan med kommentarar i møtet blir vidare utvikla av det nye styret.


6. Budsjett 2012
Utgifter i 2012 vil vere deltaking på Venstreskolen og andre kurs i tillegg til dei vanlege driftsutgiftene som utsendingar til fylkesårsmøtet og noe annonseutgifter.
Vedtak: Styret utarbeider budsjett.

7. Lokallagskontingent 2013
Vedtak: Kontingenten til lokallaget blir som i 2012, kr 50,00.


8. Innkomne saker
Ingen innkomne saker.

9. Val

Valnemnda har vore Marianne Sigurdson Lyngvi, Tor-Ivar Karlsen og Jan Kløvstad, valt på årsmøtet i 2011..

Vedtak:
Leiar: Fredrik W. Knudsen (ett år)
Styremedlem : Cathrine Høyesen Hall (to år)
Varamedlemer: Claus Kamstrup og Dega Abdi Aman (ett år)
(Helene Falch Fladmark har bedt om å bli fritatt, og at det blir valt ny styremedlem.)

Styret 2012 blir da:
Leiar Fredrik W. Knudsen (2012)
Kasserer Aslak Skripeland (2012-2013)
Sekretær Anne Werchan (2012-2013)
Styremedlemer: Cathrine Høyesen Hall (2012-2013), Per Tore Woie (2011-2012), Elin Lunde (2011-2012)
Varamedlemer: Claus Kamstrup og Dega Abdi Aman (2012)
Gruppeleiar Pål Koren Pedersen tiltrer styret.


Forslag til valkomite for 2013:

Tor Ivar Karlsen (leiar), Jan Kløvstad, Marianne Sigurdson Lyngvi

Forslag på utsendinger til fylkesårsmøtet i Aust-Agder Venstre og årsmøtet i Agder Venstre
4. februar 2012: (8 utsendinger pluss vara):
1. Pål Koren Pedersen
2. Helene Falch Fladmark/Fredrik W. Knudsen
3. Cathrine Høyesen Hall
4. Madeleine Ulstein
5. Claus Kamstrup
6. Freddy Lomboto
7. Per Tore Woie
8. Anne Kendel
Varautsendingar:
1. Dega Abdi Aman
2. Jan Kløvstad
Styreleiar har fullmakt til å fylle ut lista.

Opplæringsutval/studieutval: Jan Kløvstad og Freddy Lomboto.

Etter årsmøtet var det diskusjon om aktuelle politiske saker.

Refr.
Jan Kløvstad