Bergen kommune har sendt kommunedelplan og reguleringsplanen for Bybanen sentrum — Fyllingsdalen på høyring.
— Som utførande utbyggar er vi opptekne av å halde på den unike kompetansen som er bygd opp gjennom dei tre første byggestega, men det viktigaste er at vi er med på å utvikle Bergen vidare til beste for alle bergenserar, seier fylkesvaraordføraren.
I ei fråsegn til planen seier fylkesutvalet at planprogrammet er godt grunnlag for vidare utbygging av Bybanen til Fyllingsdalen.
— Bybanen har vorte ei viktig del av bergensarane sin identitet. Det er hyggeleg å gje ei positiv fråsegn til Bergen om planarbeidet med bybane til Fyllingsdalen. Vi gler oss til endeleg reguleringsplan ligg føre, og vi kan ta over og byggje det bystyret i Bergen har funne er den beste løysinga for kommunen, seier fylkesvaraordførar Mona Hellesnes.