1. kandidat Austrheim Venstre

12.06.2007 Liv Ulvøy Kjeilen er Austrheim Venstre sin 1. kandidat ved kommunevalget i 2007.

Eg er 52 år og arbeider som helsesekretær ved Austrheim legekontor. Eg er født og oppvaksen på Ulvøyna i Austrheim. Eg er gift, og har to barn og eit barnebarn.

For meg er det viktig at Austrheim er ein trygg og god kommune å vekse opp i. Dette har gjort at eg har vore aktiv i ulike lag og organisasjonar i kommunen gjennom mange år. Som lokalpolitikar vil eg engasjere meg spesielt for å ta vare på lokalhistoria vår, samt å bidra til at barn og unge har oppvekstvilkår som gjer at dei har lyst å komme heim å busetje seg i kommunen, etter endt utdanning.