Radøy Venstre

- Radøy har mange farlege skulevegar. Venstre vil foreslå at ny trafikksikringsplan må utarbeidast så snart som mogeleg, og at det i den samanheng vert sett ned ei gruppe for å gå gjennom skulevegane. Dette seier Frode Hervik, Radøy Venstre sin ordførarkandidat.

Radøy Venstre foreslår å opparbeide ei “Folk i form” løype med lys på Radøy, og peikar på Manger-Skageneset som ein mogleg trasé. -Radøy har mange moglegheitar for mosjon når det gjeld turløyper i terreng, men manglar ein turveg ned grusdekke og lys. Dette kan vere eit viktig tiltak for joggarar, barnefamiliar med og utan barnevogn, og andre turgåarar, spesielt på vinterhalvåret, seier Frode Hervik, Radøy Venstre sin ordførarkandidat.

God mat er god næring, meiner Radøy Venstre, som tek til orde for å spisse ei næringssatsing på mat på Den grøne øya. - Radøy kommune manglar i dag ein tydeleg næringspolitikk, og det første som må gripast tak i er å få utarbeidd ein næringsplan, der ein spissar satsinga innanfor nokre utvalde område. Deretter må ein søkje Regionalt utviklingsprogram for Hordaland (RUP) om støtte til dette. Ei matsatsing peikar seg ut som eit naturleg område, seier Frode Hervik, Radøy Venstre sin ordførarkandidat.

Radøy Venstre vil ha ein betre skule for kunnskap og kreativitet, og vil difor fokusere på innhaldet i skulen. Inntil kommunen fekk på plass ei kvalitetsmelding for Radøy-skulen i år, har dette lenge vore eit forsømt område. Dette er flott, men det betyr ikkje at ein kan kvile på laurbæra. For Venstre er det viktig å stadig arbeide for ein betre skule, og det er framleis mykje å gripe fatt i, skriv Radøy Venstre sin ordførarkandidat Frode Hervik.

Onsdag 11. mai vitja Venstretopp Mona Hellesnes fleire kommunar i Nordhordland saman med lokale kommunestyrekandidatar.