Knut Olav Nestås

05.09.2011 Presentasjon av Venstre sin 2. kandidat til valet.

Knut Olav Nestås er Venstre sin andrekandidat til valet i 2011. Nestås har trafikkpedagogisk utdanning frå Høgskulen i Nord-Trøndelag, og jobbar som dagleg leiar for kursverksemda Vossa*lappen og er trafikklærar på Voss. Tidlegare har han jobba som eigedomsmeklar og forretningskonsulent.

Av politisk erfaring har Nestås vore i kommunestyret i perioden 2007 - 2011, og vore leiar i Voss Venstre sidan 2009. Det politiske interesseområdet er breitt, men Nestås er særskilt oppteken av næringsutvikling, klima- og miljø, tilrettelegging av areal for bustad- og næringsføremål, og sist, men ikkje minst: ungdomspolitikk. M. a har han løfta fram framlegg om ungdomshus og ungdomsråd til debatt, gründarstipend og forslag om reduksjon i skjemamengda for næringslivet.

Nestås er kjent for å vera ein positiv og engasjert lokalpolitikar.