På tre år har talet på assistenttimar i spesialundervisninga auka med 70 %, medan tal lærartimar har auka med berre 4 %. Når vi veit at talet på elevar som får støtteundervisning aukar, er det grunn til å tru at svært mange elevar som har rett på spesielt tilrettelagd undervisning får denne av ufaglærte lærarar.
Dei fagleg svakaste elevane treng lærarar som er kvalifiserte til å ta seg av desse.
Sogn og Fjordane Venstre er positive til å inkludere andre yrkessgrupper i skulen, men alle som er i skulen må gjere ein jobb dei er utdanna for. Slik kan dei saman gje alle elevar den støtta dei treng for å meistre skulekvardagen. Det er avgjerande viktig at det er pedagogar som har ansvaret for å ta seg av undervisninga av dei elevane som treng spesielt tilrettelagd undervisning.