Initiativtakar Vebjørn Halvfjerdvik (19) ønskjer ei kursendring i lokalpolitikken. Me er ein god gjeng som har meld oss inn og er aktive, seier han til lokalavisen Grannar.
Fredag 2. mai var stortingsrepresentant, Iselin Nybø, og fylkesleiar, Kjartan Alexander Lunde, på besøk i Vindafjord. Dei besøkte kunnskapsbedriftane Omega og Hatteland, og i tillegg fikk dei høyra om situasjonen for listestilling i kommunen.
Iselin Nybø, stortingsrepresentant for Rogaland Venstre, meiner partiet høyrer naturleg heime i det politiske landskapet i Vindafjord.
Eg forstår ikkje korleis de har klart dykk utan, seier ho spøkjefullt og legg til at partiet er oppteke av å ha lister i alle kommunane i fylket, seier ho.
Før eit lokalval er det alltid viktig å gje folk sjansen til å stemma Venstre. Og for at folk skal ha sjansen, må me ha liste.
Kjartan Alexander Lunde, leiar i Rogaland Venstre, påpeikar at dei som stiller opp til tillitsverv i lokalpolitikken, har stor innverknad på korleis kommunen skal utvikla seg.
Venstre har eit stort potensiale i Vindafjord, og me treng no ei liste med ei fin blanding av unge og gamle, folk i forskjellige yrke, forskjellige bakgrunn, og samstundes prøva å få ein god balanse av kvinner og menn, seier han til Grannar.
Vil du eller nokon du kjenner i Vindafjord være med på vallista så send ein e-post til [email protected].
Les artikkel om saken i Grannar