Kunnskap er sentralt i all samfunnsutvikling. For at skulane i Sauda skal kunne ha høg kvalitet, kan ein ikkje halda fram med å kutta dei økonomiske rammene til beinet. Det viktigaste verktøyet for å sikra ein god skule er å rekruttera nye lærarar, og å halda på dei dyktige og engasjerte lærarane som ser kvar enkelt elev.

Barnehage

Venstre vil: arbeida for full barnehagedekning vurdera gratis kjernetid til låginntektsfamiliar oppretthalda den høge prosenten faglærte tilsette i barnehagane

Skule

Venstre vil: oppretta minst tre nye stillingar i skuleverket laga ein langsiktig plan for korleis skulekrinsane i Sauda skal vera, for å sikra ein best mogleg skulestruktur for framtida arbeida mot mobbing i skulen betra koordineringa mellom barnevernet, skulehelsetenesta, og skule/PPT rundt den enkelte elev for å raskare fanga opp elevar med utfordringar auka stillingsstorleiken for helsesøster i saudaskulen og innføra obligatorisk samtale med helsesøster styrka kompetansen blant lærarar på psykisk helse og tidleg intervensjon søka om forsøk med 2. framandspråk på mellomtrinnet arbeida for meir fysisk aktivitet i skulen styrka den kulturelle skulesekken

Integrering i skulen

Venstre vil: arbeida for at fleire elevar med innvandrarbakgrunn får tilbod om morsmålsopplæring, tospråkleg støtte og leksehjelp oppretta innføringsklassar for framandspråklege elevar på veg inn i ordinær skulegong