Reiselivet er i sterk vekst og framtidsutsiktene er gode, men veksten må styrast.
Me skal satsa på reiselivet og utvikla gode stader både å besøka og bu, men veksten må styrast. Det hastar med besøksstrategiar og konkrete tiltak. Eit besøksbidrag er nødvendig, men innretninga må vera rettferdig. Dette var tydelege tilbakemeldingar frå deltakarane på frukostmøtet om reiselivsutvikling og besøksbidrag, i regi av Venstre i Sogn.
Frukostmøtet ga gode innspel, som er viktige med tanke på Stortingets komande behandling av regjeringa sitt forslag til besøksbidrag, og oppfølging lokalt.
Takk for bidrag frå Sogn Næring, Visit Sognefjord, Sognarådet, Nærøyfjorden camping, Fjærland fjordstove og engasjerte deltakarar!
Venstre i Sogn og Venstres stortingsrepresentant Alfred Bjørlo oppsummerte følgjande innspel etter møtet:
- Sogn er langt framme med samarbeid og utvikling av Sognefjorden som reisemål
- Verksemder, destinasjonsselskap, virkemiddelapparat og kommunar står samla i satsingar
- Framtidsutsiktene er lyse for vidare næringsutvikling og sysselsetting
- Me må tore å setja pris og verdi på produkta våre, naturen og landskapet ikring oss
- Det hastar med å få på plass nødvendige strategiar og tiltak for å styre og tilrettelegge besøk
- Reiselivet og kommunane må samarbeide om løysingar
- Det er behov for meir samarbeid om oppfølging av masterplanen, og om tiltak som er viktige både for innbyggjarar, besøkande, reiselivsverksemder og kommunar.
- Det tek for lang tid å få på plass grunnleggande ting som tilgang til toalett, å få levert boss, nødvendig skilting og informasjon
- Besøksbidrag er nødvendig, men innretninga må vera rettferdig
- Besøksbidrag og andre ordningar må også treffe fricamping, dagsbesøk og cruice
- Ordninga kan ikkje vere tilfeldig frå kommune til kommune – viss ikkje ei regional ordning, så må i det minste Vestland vera ein region
Etter frukostmøtet gjekk turen til Bøtun gard, som driv økologisk marknadshage, gardsbutikk og gardskafè på Indre Hafslo i Luster.
Etter ein inspirerande time i hagen og kafeen, saman med eigarane Mathilde og Martin, gjekk turen til Fimreite. Her besøkte vi Haug gard, og fekk vere med på både synfaring i frukthagen og cidersmaking hjå verksemda Odelsgut og eigar Alxander Haug. Tusen takk for god mottaking, lærerike og inspirerande samtalar!