I følgje Nrk Sogn og Fjordane vil samferdsleministar Liv Signe Navarsete forsere utbygginga av Olden-Innvik ved å vurdere bruk av rassikringsmidlar. Venstre krev eit klart svar frå statsråden før valet om ho vil setje av midlar til utbetring i statsbudsjettet for 2008.
Då Torhild Skogsholm var samferdsleministar vart Olden-Innvik skubba fram i tid. I etterkant har Liv Signe Navarsete prioritert slik at dette viktige vegsambandet tidlegast kan late seg realisere rundt 2020 med den løyvingstakten Navarsete legg til grunn for fylket.
Seinast ved statsbudsjettet i 2007 fjerna samferdselsministeren kr. 45 mill. som var prioriterte av fylkestinget til delfinansiering av R-60 Olden-Innvik. Desse midlane vart overførte til anna prosjekt. Då må det handfaste kroner til i 2008-budsjettet for at statsråden skal vere truverdig. Venstre ventar i spenning. Kjem det ikkje klart svar frå Navarsete før valet, kan ein leggje til grunn at det ikkje kjem pengar i 2008.
Klaus Iversen
Andrekandidat for Venstre