Det seier Alfred Bjørlo (V), ordførar i Eid og nestleiar i Hovudutval Opplæring i Sogn og Fjordane.
Det er i budsjettforliket lagt inn 40 mill kroner ekstra i såkalla tapskompensasjon for fylkeskommunar i samband med innføringa av nytt inntektssystem. Sogn og Fjordane vil få ein vesentleg del av denne potten. Folkehøgskulane får tilført til saman ca 50 mill kr. ekstra i budsjettforliket.
Venstre har også fått gjennomslag for 100 mill kr ekstra til å styrke helsesyster-tenesta, som er viktig for born og ungdom både i grunnskule og vidaregåande skule. Regjeringa sitt framlegg om å heve grensa for bortebuarstipend frå 40 til 60 km er skrinlagt, og det er lagt inn 21 mill kroner i statsbudsjettet for å finansiere dette. Det er også lagt inn ekstra midlar til United World College i Fjaler i budsjettforliket.
– Eit storstilt løft innanfor teknologi og IKT er heilt nødvendig i skulen og samfunnet elles i åra som kjem. Eg er difor glad for at Venstre i budsjettforliket også har fått gjennomslag for 500 nye studieplassar innanfor IKT, 25 mil kr til utvida satsing på programmering i skulen og 50 mill kroner ekstra til IKT-tiltak i grunnopplæringa, seier Alfred Bjørlo.
For meir informasjon, ta kontakt med Alfred Bjørlo, tlf. 480 82 652