Det seier Gunhild Berge Stang, Venstre sin gruppeleiar i Fylkestinget i Sogn og Fjordane. Atløysambandet vil gje landfast samband til ca 500 innbyggjarar og eit rikt næringsliv på Atløya i Askvoll kommune.
– Venstre har vore ein pådrivar nasjonalt for ferjeavløysingsordninga. Vi sette Atløysambandet på Venstre sitt program allereie på 1980-talet. Det er faktisk slik at heile den nasjonale ferjeavløysingsordninga som no er komen på plass, starta med Atløysambandet, og vart innført av Bondevik2-regjeringa med Torild Skogsholm (Venstre) som Samferdsleminister.
– Det er utruleg at det skulle ta 30 år å få gjennomslag for ei ordning som byggjer på enkel, sunn fornuft: At det er god bruk av samfunnet sine pengar å byggje bru for kostnadene stat og fylke elles ville ha brukt “til evig tid” for å køyre ferje, seier Gunhild Berge Stang.
Gunhild Berge Stang, mobiltlf 976 53 785