Eit dynamisk næringsliv treng både arbeidsskaparar og arbeidstakarar. Haram Venstre ynskjer å skapa ein enklare kvardag for småbedriftseigarar i kommunen, og leggje til rette for at fleire kan skapa og utvikla nye bedrifter.
Haram skal tiltrekke seg kompetanse og arbeidskraft. Kommunen må i større grad enn i dag spele rolla som nettverksbyggjar og tilretteleggjar for kontakt mellom personar og institusjonar som ynskjer å skapa noko for seg sjølve og andre.
Haram har tre næringsutfordringar som må løysast dei neste fire åra:
- Etablere fleire kunnskapsbedrifter
- Nytta potensialet som ligg i kommunen sin beliggenheit
- Ta tilbake kommunen sitt gode omdøme som næringsaktør
Haram Venstre vil:
- Opprette eit open nettverksforum mellom kommunen, næringslivet og utdannings- og forskingsinstitusjonane.
- Utfordre Høgskolen i Volda og NTNU til å bli ein tydelegare utviklingsaktør i Haram
- I samarbeid med fylkeskommunen eller ideelle organisasjonar opprette ein naturbrukslinje for til dømes fiskeri, jordbruk, hest og gartneri på Nordøyane
- Opprette ein “Campus Søvika verft” for å skape ein utviklingsarena i samarbeid mellom skolane, høgskolen, fagskulane, kommunen, bedriftene og fylket.
- Arbeide for at ID-huset framleis er ein kulturaktør i nasjonal klasse.
- Utvikle gjestehamn(ar) langs kysten i kommunen.
- Opprette “Opplev Haram” og gje den rolla som samarbeidsorgan for å heve kvaliteten på opplevingstilboda i kommunen.
- Jobbe for eit kunnskaps- og opplevingssenter på Bjørnøya.
- Gjennom kommunal utviklingspolitikk jobbe for meir handelsaktivitet på Eidet.