Varamedl.styret: Henny Nordvik
Gunn Randi Fossland
Rune Ulfsnes
John K. Sletta
Revisorar: Ola Stigsrud
Even Ormbostad
Utsendingar til fylkesårsmøtet : Erik Vullum, Line Nedresæter, Johannes Kalland
Vara: Kåre Grønbech, Øystein Ormbostad, Arnfinn Berget
Valgnemd 2009: Henny Nordvik, Gunn Randi Fossland, Rune Ulfsnes, John K Sletta
1. MØTER og REPRESENTASJON
Følgande møter og representasjon er gjennomført i arbeidsåret:
5 styremøter ( 27.03, 22.05, 16.09, 01.12, 16.12)
1 medlemsmøte (Raudstuå 07.05.08).
1 studiesamling på Eidestranda 23.10.08. Tema: Venstreskolen trinn 1.
3 utsendingar på Fylkesårsmøtet på Sunndalsøra 1.og 2. mars 2008.
1 deltaker på sentralt studieprosjekt —Venstreskulen.(Molde 4.-6. april 2008).
AKTIVITET
På årsmøtet 20.01.08 vart det vedtatt å senda vidare 3 uttalar. Dette galdt følgande saker:
– Tjeldbergodden- ein riktig plass for industriell utvikling og regional og statleg satsing.
– Klima — og miljø ei lokal utfordring
– Samordna kommunal planlegging
Uttalen om Tjeldbergodden vart redigert av styret og meldt inn til fylkeslaget i god tid før fristen gjekk ut for levering av resulosjonar. Under årsmøtet vart vår uttale ikkje prioritert frå redaksjonsnemda, noko vi som var utsendinger syntest var svært skuffande.
Vi sendte 22.04.08 uttalen til lokalavisene. Samtidig vart saka og sendt Aure kommune v/ tverrpolitisk gruppe som har Tjeldbergodden som hovedtema.
Uttalen om klima og miljø vart sendt Aure kommune ved ordføraren 29.01.08 og med følgande innstilling:
Aure venstre sender med dette resolusjonen over til Aure kommune som ein interpellasjon og med følgande forslag til vedtak:
Administrasjonen blir bede om å arbeida ut eit forslag til klima- og miljøplan for Aure kommune. Plana må innhalde både planmessige og økonomiske delar som gir grunnlag for å kunne setta lokale tiltak ut i livet innan rimelig tid. Arbeidet bør i størst mogleg grad baserast på haldningsskapande arbeid, frivillig samarbeid og dialog.
Vi har ikkje mottatt skriftlege tilbakemeldingar anna enn fått bekrefta frå våre representantar at resolusjonen vart referert i kommunestyret utan realitetsbehandling. Vi har heller ikkje registrert andre konkrete utspill om dette temaet ut over at ordføraren meldte at prosjektet alt var starta i vår kommune.
Uttalen om større fokus på ei samordna kommunal planlegging vart sendt til Aure kommune 29.01.08. Det var i den saka spesielt tatt opp kor viktig det er å koma i gang med overordna planlegging og å legger til rettefor å sikra ein ønska infrastruktur i tilknyting til Aure sentrum.
Ingen skriftlege tilbakemeldingar så langt i saka! Vi registrerer at Aure kommune etter at dette dokumentet vart sendt, har oppretta ein salgsavtale med ein privat aktør på ein større del av det kommunale arealet på Kjelklia. Likeeins er det i same tidsrom seldt ut sentrale tomteareal i Aure sentrum som sterkt berører kommunal infrastruktur ved å dispensera frå gjeldande planbestemmelser. Offentlege trafikkareal i gjeldande plan blir no sett under kraftig press. Det er urovekkande, når dette skjer utan at det politisk blir krevd ei nærare konsekvensvurdering av dei nye forslaga frå utbyggar.
Behandlinga av nemte saker reiser spørsmål til om styringa av kommunale planprossessar i den nye kommunale strukturen er god nok. Styret i Aure Venstre drøfta nemte saker med kommunestyregruppa på møtet 16.12.08. Her ligg det ut frå mi vurdering ei klar utfordring for kommunen om å gå nærare inn i nemte vedtak, og det hastar! Skal kommunen sikre nødvendig trygghet for innbyggarane og fortsatt ha tillit hos investorar, sett dette klare krav til å ha forutsigbare beslutningprosessar.
Tema- og gruppearbeid vart tatt opp på styremøte 27.03.08. Brev vart sendt ut 02.04.08 til alle som vi har registrert som medlemmar og sympatisørar. Styret sette opp følgande tema for gruppene:
– klimapolitisk plan
– kommuneplana
– vidareutvikling av Tjeldbergodden som industriområde
Det var ingen påmeldingar til temaene og styret såg difor ikkje grunnlag for vidare møteopplegg.
På medlemsmøte 07.05.08 fekk vi besøk av fylkesledaren Trond Hansen Riise. Han orienterte om arbeidsmåla for Venstre sentralt og fylkeslaget. Han kom og med mange innspill om kva han la i å driva godt lokalpolitisk arbeid, med regelmessig bruk av lokalpressa, tydeleg på saker som er gode Venstresaker, tenka langsiktig ved saksarbeid og i samarbeid med andre parti fra sak til sak.
Vi orienterte om arbeidet med og utfordringane som ligg i arbeida med ny kommuneplan, og uttale frå partiet som innspill til plana. Følgande tema i plana vart drøfta:
– næringsutvikling på Tjeldbergodden
– samferdsel og infrastruktur
– areal- og miljøutfordringar
– kulturelle utfordringar i ein ny kommune
Viktig å få avklart og avgrensa konfliktområda ved forslag til nye tiltak, og at det er samsvar mellom kommunen sine hovedmål og det som kart og terreng reelt gir plass for.
I styremøte 16.09.08 vart det etter ønske frå fylkeslaget vedtatt å førehandsnominera følgande kandidater til stortingsvalglista for 2009:
– Leif Helge Kongshaug (1.plass)
– Kirsti Dahle (2.plass)
-uprioriterte plasser: Iver Nordseth, Trond Hansen Riise, Line Nedresæter, Per Eilert Orten
Studiesamlinga på Eidestranda vart leda av Line Nedresæter . Det var ei oppfølging av Venstreskulen del 1. Vi fekk innføring i Venstre si historie frå starten med Johan Sverdrup som første statsminister frå Venstre i 1884, og med viktige milepelar fram til vår tid. Andre år i historia som var spesielt nemt var delinga på Røros i 1972 og at Lars Sponheim tok over leiinga av partiet i 1996.
Line la og fram satsingsområda sentralt med stikkord for dette:
– energisparing i kommunane
– kollektivtransport- korleis kan ein markedsføra dette?
– grunderpolitikken -10 pkt.program
– skatte-og avgiftspolitikken (som fremmar nyskaping)
– konkrete lesarinnlegg på aktuelle saker politisk.
Møtet var sosialt med god servering og der vi fekk ei obligatorisk utfordring til slutt, der politiske standpunkt vart testa. Ein lærerik kveld der tida gjekk fort.
Budsjett 2009 var hovedtema på styremøtet 01.12.08. Vi sette opp eit forslag til saldering etter tidlegare drøftingar i formannskapet av rådmannen sitt framlegg. Forslaga hadde ei samla ramme på justeringar på kr 755 000. Dette samsvara da godt med midlar som i følge formannskapet kunne omdisponerast ut frå framlagt forslag (kr 730 000). Vårt forslag vart da tatt med til fellesmøte med mindretallskonstellasjonen den 15.12.08. Etter det vi har fått med etter budsjettvedtaket vart "banka "17.12.08 gjekk dei flesta ønska inn.
Tirsdag 16.12.08 var vi samla til møte i Raudstuå for å markera Aure Venstre sitt 125. år. Per Eilert Orten tok oss med tilbake til 26. november i 1883. Det vart ein levande historietime om politikk og markerte personar for partiet lokalt. Lokalavisa den gongen, Romsdalsposten, gav god dokumentasjon frå tidleg på 1900-tallet, da Aure Venstre hadde stor tyngde både sentralt og også lokalt i Aure. Ein av mange som dreiv partiarbeid lokalt var Angel Landmark. Han var ein frontkjempar som vi fekk kunnskap om denne kvelden, og som stod for mange viktige utspill for Aure Venstre og var første stortingsmann herifrå. Seinare fekk vi ein stortingsrepresentant til frå kommunen da Sivert Todal kom på tinget .
Aure Venstre har i sitt nye program (2007-2011) nedfelt følgande overordna målsetting: Arbeida for samarbeid om gode heilhetsløysingar.
Skal dette kunne følgast opp i praktisk politikk må det i tida framover kanskje settast av enda meire tid til drøfting av saker. Særleg vedtak som kan få langsiktige følger og som kan skapa presedens ved seinare høve må drøftast breiare , helst på medlemsmøte og utanfor dei faste behandlingsorgana.
For å kunne skape gode helheitsløysingar må måla vera klare. Her ligg det heile tida ei stor utfordring til det politiske systemet om å utfordra og tørra å ta eit nødvendig samfunnsansvar.
Skal kommunen kunne skape nye arbeidsplassar og ei bærekraftig utvikling for nye næringar og gi tilbod for nye generasjonar må strukturar på plass som ligg fast forankra i ein felles forståelse om kor vi bur, kva vi har og kva vi manglar . Skal vi klara utfordringane framover er vi slik eg vurderer det heilt avhengig av at kommunen blir i stand til å skape ei slik forankring.
Arbeidet med ny kommuneplan for 2008-2019 vil bli eit viktig verktøy og styringsdokument for korleis vi skal koma vidare, å få til ei positiv utvikling også på lang sikt. Hovedmål for kommuneplana er: Sikre ein livskraftig distriktskommune.
Aure Venstre sin siste uttale til kommuneplana 22.04.08 følgjer som vedlegg til årsmeldinga.
Plana vart vedtatt i Aure kommunestyre 20.10.08.
Uttalar frå Aure Venstre til lag og organisasjonar.
Etter mottatt brev frå protestgruppa mot lakseoppdrett ved Kråkøya, vart det på styremøtet 16.09.08 vedtatt å senda ein støtteerklæring frå Aure Venstre. Uttale vart sendt 17.09.08 og før saka skulle opp i det politiske utvalget. Saka fekk betydeleg presseomtale etter at vedtak vart fatta i politisk utvalg, der eit fleirtal gjekk inn for utbygging, medan Aure Venstre gkekk i mot med støtte i uttalen frå dei som bur og brukar området.. Vedtaket vart seinare påklaga av berørte partar og i kommunestyret vart vedtaket omgjort i samsvar med vårt innspill. Uttalen frå Aure Venstre er vedlagt årsmeldinga.
Medlemmar/ verving
Medlemstalet på landsnivå er på veg opp. Styret har ikkje fått starta den store offensiven på verving, men prosjektet er ikkje gløymt. Målet om å auka medlemsmassen står fast. Verving av yngre medlemmer vil gi ekstra bonus. Styret er åpne for gode tips.
Økonomi
Regnskap er enno ikkje revidert. Det kommunale tilskotet for 2008 er enno ikkje mottatt og vi har meget lite å rutta med. Loddsalget vil koma godt med framover.
Arbeidsprogram 2009
Styret vil vidare prioritera arbeidet med å vektlegga faste medlemsmøte og styremøte slik at vi stiller godt orientert og maktar å gi dei som har valgte verv ei god støtte i sakene som kjem opp i arbeidsåret. Vi viser og til vedlagt liste over aktuelle tema som kan prioriterast for neste år. Det blir lagt ut på årsmøtet.
Aure 04.01.09
Johannes Kalland
Årsmøtet 2008
Aure Venstre
AKTUELLE TEMA FOR 2009
· Møtekalender
· Stortingsvalgprogram 2009- 2012
· Klimapolitisk plan
· Plan for sentrumsutvikling og grendamiljø.
· Plan for ENØK- tiltak på kommunal bygningsmasse.
· Kor skal vi ha eit offentleg engasjement/ kva kan privatiserast?
· Miljø og natur — eit tema for Aure?
· Ungdomsråd i Aure? Agenda 21- noko for Aure?
· Nærmiljøet i fokus- kva kan gjerast for å bli betre kjendt i eigen kommune?
· Turkart for heile kommunen.
· Kva kan gjerast med våre kulturminner?
· Halda oppe kontakt med- og gjera oss bruk av lokalpressa.
· Få fram gode lokalpolitiske saker som og er gode Venstresaker. ( Åpen forvaltning, kultur
og miljøspørsmål, ei ansvarlig ressursforvaltning)
· Prøva å få større engasjement blant medlemmer og med det større interesse for medlemsmøta. Arbeid for å gjera oss synleg for ungdom ( finna aktuelle saker).
· Aktiv bruk av partiprogrammet for gjennomføring av langsiktige målsettingar.