Dette kravet kom etter at den største skogbrannen i Noreg på 150 år herja Froland i Aust-Agder i fjor sommar og svidde av 19 kvadratkilometer produktiv skog. To av tre kommunar på landsbasis har ennå ikkje oppfyllt dette kravet, og nå er skogbrannfaren stor i det meste av landet.
Men fleire kommunar har gått inn i interkommunalt brannvernsamarbeid, slik ei skogbranngruppe, leia av fylkesmann Sigbjørn Johnsen, gjekk inn for i fjor. Likevel har korkje Vest-Telemark eller Aust-Agder skogbrannplanar innarbeidd i dei interkommunale brannvernplanane sine, kan Nationen fortelje.
Dersom dette er rett, er det på høg tid å få innarbeidd spesielle bereidskaps- og tiltaksplanar mot skogbrann i dei brannvernplanane som er eit resultat av det prisverdige brannvernsamarbeidet som har kome i stand i Vest-Telemark. I tillegg til dei seks vest-telemarkskommunane, manglar fem andre kommunar i Telemark planar mot skogbrann. Mellom desse er skogkommunane Drangedal, Notodden og Skien. I Aust-Agder er det heile sju kommunar som manglar slike planar, deriblant Froland og fleire andre typiske skogkommunar.
JON INGEBRETSEN
Kviteseid Venstre