Sula Venstre vil at kunnskap, både frå mannen i gata og fagpersonar, skal styre — og styrke — kommunen vår.
Dei politiske utvala og kommunestyret må jobbe for å få god kunnskap innan sine område. Dette skal gjerast ved å:
• Bli godt kjend med dei konkrete skulane, institusjonane, vegane, naturområda, bedriftene
eller andre som dei gjer viktige vedtak for
• Lytte til og lære av dei som blir påverka av vedtaka, både tidleg og undervegs i prosessen
• Hente inn og skaffe seg fagleg kompetanse av høg kvalitet
• Jobbe kreativt og visjonært for eit stadig betre Sula
Sula Venstre vil at folkemeininga skal komme tydeleg fram:
• Store og små folkemøte bør vere ei utbreidd arbeidsform, helst med gode
idemyldringsprosessar, der terskelen for å ytre si meining er lav.
• Lokalpolitikarane bør sjå på seg sjølve som ombodsfolk, og lytte til tilsette, pårørande,
brukarar — og til alle andre som blir påverka av vedtak.
• Barn og unge på Sula må bli høyrte i flest muleg viktige saker.
• Kommunen må ta ansvar for at alle grupper må bli lytta til
Gi oss minst fire representantar i kommunestyret, og vi vil jobbe kreativt og visjonært for eit stadig betre Sula. Vi vil gjere vårt aller beste for folk, fellesskap og miljø.