Skulane i Time har heldigvis mange kompetente og motiverte lærarar, som ønsker å gjera Timeskulen best mogleg. For Venstre er det viktig å la læraren få konsentrera seg om det som er kjerneoppgåva i skulen: planlegging, gjennomføring og vurdering av undervisning og læring. Difor vil vi arbeida for å fjerna tidstjuvane i skulen og la læraren bruka mest mogleg av tida si på undervisning. Nei til unødvendig byråkrati og skjemavelde!
Samtidig har vi born og ungdom som kan slita med å finna seg tilrette i skulen. For å sikra alle ein god og trygg skulekvardag går vi i Venstre inn for å rekruttera andre yrkesgrupper, som sosionomar og vernepleiarar, inn i skulen. Time Venstre ønsker òg å styrka skulehelsetenesta.
Ein kunnskapsskule treng faglig sterke lærarar. Dette har vi mange av i vår kommune, men vi har også mange som ønsker faglig påfyll og oppdatering. I kommunestyret vil Time Venstre gå inn for å setja av meir pengar til å kunne gi fleire lærarar økonomisk tilskot til kompetanseheving.