– Tre av partileiarane nemnde ikkje klima og miljø med eit einaste ord i sine landsmøtetalar. Det var Liv Signe Navarsete, Jens Stoltenberg og Siv Jensen. Dei bør få reduserte stortingsgrupper etter valet.
Etter valet ynskjer Rotevatn å vere ein del av ei større stortingsgruppe, og han vil ha statsrådar med ein sosialliberal ryggmargsrefleks.
– Alt for ofte står Venstre sine to representantar aleine i Stortinget mot meir overvaking, for ein human asylpolitikk, og for eit klimavenleg samfunn. Skilnaden på to og ti representantar er enorm, og vi treng ei større stortingsgruppe for å få gjennomslag for vår politikk.
Stortingskandidat Sveinung Rotevatn er motivert for valkampen og ynskjer ikkje å oppleve valnatta i 2009 på nytt. – Nøkkelen til å gjere eit godt val ligg i å vere synlege, og spre det gode valprogrammet vi har til nok veljarar, sa Rotevatn til eit fylkeslag som er klare til å gjere nettopp det.
