Eit levande kulturliv

Eit levande kulturliv gir folk i alle aldrar betre livskvalitet og stimulerer til nysgjerrigheit, kreativitet og mangfald. Støtta til kultur og idrett må både sikra dei gode talenta og den store breidda.

Venstre vil: jobba for at Folkets Hus blir realisert som kulturhus framheva Sauda sin unike arkitektur setja den unike kulturarven i Sauda i ein større europeisk samanheng gjennom organisasjonen ERIH ha utarbeidd ein kulturminneplan bevara Åbøbyen som det flotte kulturmiljøet det er styrka bevisstheita rundt lokale kulturminne hjå innbyggarane, gjennom blant anna å styrka samarbeidet mellom skule, historielag, fagpersonar og kulturetaten at kommunen i samråd med foreiningar og historielag lagar lett tilgjengeleg informasjon til innbyggarane om kommunen sine kulturminne at Sauda kommune skal vera med å bidra med støtte til frivillige lag og foreiningar at idrettslag for barn og unge ikkje skal betala leige for kommunale idrettsanlegg arbeida for at aktivitetsstøtta til idrettslaga skal oppretthaldast på dagens nivå arbeida for etablering av livssynsnøytralt seremonirom arbeida for å rusta opp tennisbanen

Språk

Sauda har, med omfattande nynorsk kulturarv, eit ansvar for å støtta opp om språket når riksmedia har resignert. For å sikra at elevar er trygge på språket sitt gjennom skuleløpet må kommunen vera konsekvent i språkbruken. Nynorskelevar har vist seg å oppnå betre språkforståing, og gjer det såleis betre enn bokmålselevar i andre fag generelt og språkfag spesielt. Den høge nynorskandelen i Sauda bidrar til eit høgt nivå på utdanninga, og må styrkast for å utdanna endå fleire språkleg sterke elevar.

Venstre vil: innføra nynorsk som administrasjonsspråk i kommunen at eventuell kommunesamanslåing skal resultera i ein sterk nynorskkommune at språkopplæringa for innvandrarar skal vera på nynorsk