Klimaendringane krev handling nå og må stå øvst på agendaen for å sikra framtida til kloden. Flaumar og ekstremvêr minnar oss om at klimaendringane er reelle – òg i Sauda. Sauda Venstre vil arbeida for at kommunen er klar for å takla framtidas klima.

Me vil skapa eit attraktivt og grønt sentrum kor folk trivst, og me vil nytta oss av klimasmart arealplanlegging. Dette er viktig for å kutta lokale utslepp.

Klima

Klimaendringar er vår tids største utfordring. Millionar av menneske er allereie klimaflyktningar. Kvart tiande minutt blir ein art utrydda, medan polane krympar i rekordfart. I 88 prosent av havet finn ein mikroplast. Sikten i Sauda er redusert med 30 prosent sidan 1990-talet på grunn av luftureining.

Forureininga skjer globalt, men me kan alle bidra med å ta grøne val. Om alle nordmenn eksempelvis kuttar ut kjøtmiddagen ein dag i veka, svarar det til over 200 000 færre bilar på vegane kvart år i klimarekneskapet. Kommunen bør setta eit godt eksempel i miljøpolitikken.

Venstre vil: dimensjonera nye vegar og avløp for å takla framtidige klimaendringar oppmoda til å bruka grøne tak som eit verkemiddel for klimatilpassing jobba for fleire Miljøfyrtårn i kommunen ikkje tillata drenering av myr eller uttak av torv av klimaomsyn innføra årleg klima- og miljø-rekneskap for kommunen handsama klimaplanen saman med økonomiplanen

Grøn energi

For å skapa ein miljøvenleg kommune der folk har rein luft og god livskvalitet, trengst meir grøn energi og effektiv utnytting av krafta.

Venstre vil: vera positive til å utnytta meir av fjernvarmen frå smelteverket at kommunen i større grad skal nytta alternative oppvarmingskjelder, òg i nye byggefelt og kommunale nybygg legga til rette for at fleire private kan nytta alternative energikjelder at kommunen skal laga ein energispareplan byta ut gatelysa med energisparande lyskjelder

Avfall, renovasjon og forsøpling

God og klimavenleg handtering av avfall er ein føresetnad for ein grøn, rein og attraktiv kommune.

Venstre vil: bli medlem i Grønt Punkt og nytta medlemskap som krav i offentlege innkjøp setja mål om å gjenbruka minst 80 prosent av alt material i kommunen ha målsetting om 100 prosent innsamling av farleg avfall og EE-avfall arbeida for at mindre mat blir kasta i kommunen ha årleg ryddeaksjon i Sauda

Sentrumsutvikling og arealpolitikk

Sauda Venstre har ein visjon om eit bilfritt sentrum med grøne lunger og gågater. God arealplanlegging kan blåsa nytt liv i sentrum.

Venstre vil: sjå på moglegheita for gågater og grøntområde som verkemiddel for å redusera biltrafikk i sentrum stilla høgare krav til estetikk og arkitektur for byggeprosjekt i kommunen ikkje legga opp til nye utbyggingsområde som krev ny kommunal, teknisk infrastruktur vera svært restriktive til nedbygging av dyrka og dyrkbar jord vurdera parkeringsrestriksjonar i sentrum for at folk skal bytta bilen med buss, gange eller sykkel og slik skapa eit trygt, levande og menneskevenleg bybilde ha tilbake farge, blomar og planter på Rådhusplassen planta trer langs sørsida av kyrkjegardsmuren

Samferdsle

Om folk flest skal ta grøne val i kvardagen, må det vera eit reellt alternativ til bilen. Mange vel sykkel eller gange i dag, men endå fleire vil gjera det om det svarar seg økonomisk, ikkje berre for helsa og miljøet.

Tunnel til Etne vil bidra til å binda regionen vår saman, og kan vera eit stort steg på vegen mot befolkningsauke og ny vekst i kommunen.

Venstre vil: arbeida for å realisera Etne-vegen oppretthalda tilbodet til hurtigbåten med pendlarruta Sauda-Sand byggja fleire sykkelvegar og sykkelskur, samt rusta opp haldeplassar oppmoda arbeidsgjevarar til å premiera folk som går eller syklar til jobb skifta ut kommunale bensin- og dieselbilar med hybrid- og elbilar legga til rette for meir gange og sykling vurdera høvet for å bytta ut delar av bilparken med syklar og el-syklar i Sauda kommune forlanga at Kolumbus har oppdaterte rutetabellar på alle haldeplassar etablera ein samanhengande fjordpromenade frå sentrum i Saudasjøen til sentrum i Sauda

Dyrevelferd

Det viser seg stadig at omsynet til dyrs velferd blir sett til side i mange næringar. Verst ut kjem pelsdyrnæringa og sirkusnæringa. Kommunen bør setja ein etisk standard for handsaming av dyr.

Venstre vil: vektlegga omsynet til dyre-velferd høgt

Naturvern

Fridomen til å bevega seg i stille og urørt natur har ingen pris i kroner og øre. Inngrep i Saudas resterande urørte natur bør såleis ha svært gode grunnar.

Venstre vil: verna om urørt natur i kommunen legga sterkare restriksjonar på bygging av skogsvegar vektlegga stille natur ved å vera restriktiv til motorferdsel i fjell og utmark verna om biologisk mangfald og ikkje gi tilskot til planting av øydeleggjande treslag sikra at hytteutbygging tar omsyn til miljø, kulturhistorie og tradisjonelt friluftsliv