Fylkeskommunen har vore inn i ein krevjande prosess med å tilpasse skulestrukturen i vidaregåande til eit synkande elevtal. Økonomiske utfordringar står for tur. Sogn og Fjordane Venstre vil ikkje sende fleire elevar på hybel og vil ta endå sterkare tak i dei er hybelbuarar i dag. Kommunane har ei nøkkelrolle her og vi må forvente at vertskommunane tek ansvar for hybelbuarane sine. Det er ikkje tvil om at tilbodet om vidaregåande opplæring er ei stor vitamininnsprøyting i dei kommunane som har skule, medan andre lokalsamfunn opplever å bli tømd for ungdommane sine.
Dei vidaregåande skulane har blitt flinkare med tiltak for å betre hybelbuarane sin kvardag, men det er like viktig at vertskommunane og lokalsamfunnet også gjere sitt for at hybelbuarane får ei like trygg og god ungdomstid som deira eigne ungdommar. – I planlegginga av framtidas vidaregåande skule så meiner Venstre at omsynet til kvalitet må vere styrande, men vi kan ikkje stikke under ein stol konsekvensane dette har for hybelbuarane. – Som også forsking peikar på så må vi som politikarar ha eit tilsvarande fokus på den førebyggande innsatsen.
Gunhild Berge Stang. Fylkesordførarkandidat Sogn og Fjordane Venstre