Den grøne kommunen.
Lærdal kommune skal ha fokus på miljø og berekraft i all sakshandsaming.
Venstre meinar at:
•Avfallslevering og miljøstasjon skal etablerast på Håbakken.
•Lærdal, som kraftkommune, må ha ladestasjonar for elbil.
•Det er viktig å følgja opp kommunen sin ENØK-plan.
•Utvikling av sykkelstiar og vegar i dalen er viktig, også med omsyn til tryggleik.
Lærdal kommune – tenesteytaren:
Kommunen skal gje innbyggjarane gode tenester gjennomnøgde og kompetente tilsette. Den viktigaste resurssen iLærdal kommune er dei tilsette. Tilsette og politkarar har ansvar for at kommunen er ein god arbeidsplass gjennom samarbeid tufta på respekt og god kommunikasjon. Kommunen må utvikle det regionale samarbeidet til å etablere ein felles kommune i framtida.
Venstre meinar at:
• Det er viktig å sikre god kompetanse på alle nivå i kommunen.
• Leiarutviklingsprogrammet skal halde fram.
• Lærdal kommune skal ha sunn økonomisk drift med overskot
kvart år som kan brukast til investeringar.
• Brukarundersøkingar skal vera styrande for kommunen sin tenesteplanlegging.
• Ein må gjenoprette politiske fagutval etter same organisering som kommunen si leiing.
Kunnskap og like vilkår
Skulen sine mest viktige oppgåver er å gje den einskilde elev
eit best mogleg kunnskapsnivå, god grunnleggande kunnskap
og tru på eigne evner.
Venstre meinar at:
• Kvalitet og kvantitet på det pedagogiske tilbodet og sosiale læringsmoglegheiter skal vere det same i heile kommunen.
• Ein vel fritt kor ein vil nytta det pedagogiske tilbodet i kommunen.
• Skulane framleis skal vera viktige samlingspunkt i grendene.
Arbeid i Lærdal – regional utvikling
Lærdal kommune skal vera ein samarbeidspartnar for næringsutvikling i heile Indre Sogn.
Det er viktig å behalde kompetansearbeidsplasar innan helse
til det beste for innbyggjarar i regionen.
Lærdal må delta på dei ulike arenaer for regional utvikling i
Indre Sogn.
Venstre meinar at:
• Kommunane i regionen har meir vinst enn tap ved samanslåing.
• Lærdal kommune må stå fram som ein aktiv part i kommunereforma.
• Sogn Lokalmedisinske Senter skal videreutviklast til eit fagleg ressurssenter for heile regionen.
• LNU og kommunen fortsatt må jobbe med å gjera Lærdal akttraktivt for bedriftsutvikling og nyetablering, med fokus på heilårsarbeidsplassar.
Bu i Lærdal
Lærdal kommune skal vera ein god stad å bu gjennom heile
livet. Ein skal føle seg trygg i heimen og i lokalmiljøet. Ein skal tilgang til meiningsfulle aktivitetar, sosiale møteplassar og gode tenester gjennom heile livet.
Venstre meinar at:
• Kulturhuset må utviklast vidare til ein sosial møtelass for alle, mellom anna ved å etablere biblioteket der.
• “Heimatt for ein 50-lapp” for alle er framleis en god ide.
• Trafikktryggleik må ha kontinuerleg fokus, om naudsynt forskotere tiltak på fylkeskommunale vegar.