Sunnfjord Venstre si liste til kommunevalet 2019

Atle Hamar, Gunn Merete Paulsen, Åge Avedal, Elisabet Kjerstad Bøe og Elias Slåtten er topp fem på Sunnfjord Venstre si liste til kommunevalet 2019.

Sunnfjord Venstre gjennomførte nominasjonsmøte søndag 20. januar, og valde der 37 personar til kommunelista 2019.

– Sunnfjord Venstre stiller ei solid liste til kommunevalet 2019. Her er ei god blanding av personar med lang røynsle frå kommunepoltikken, og yngre krefter som er topp motiverte for politisk arbeid i den nye kommunen. På topp har vi Atle Hamar og Gunn Merete Paulsen. Samla utgjer dei ein god miks med tanke på erfaring frå politikk på både nasjonalt og lokalt nivå, seier Eivind Standal Husabø, leiar i nominasjonsnemnda.

Toppkandidatar med allsidig bakgrunn
Øvst på lista til Sunnfjord Venstre finn du Atle Hamar (55), statssekretær i Klima- og miljødepartementet og mangeårig politikar lokalt i Jølster kommune, og på fylkesplan og landsplan i Venstre.

Andreplassen har Gunn Merete Paulsen (45), jurist og direktør i Lotteri og stiftelsestilsynet i Førde. Paulsen sit i dag som fast representant i bystyret i Førde og i fellesnemnda for Sunnfjord kommune.

Tredjeplassen på lista har Åge Avedal (39), regionleiar i barne- og ungdomsorganisasjonen 4H. Avedal er leiar i Sunnfjord Venstre og 1. vara til bystyret i Førde.

På fjerdeplass på lista står Elisabet Kjerstad Bøe (38), prosjektleiar i teknologiselskapet Tibber. Bøe har tidlegare hatt verv i Miljøpartiet Dei Grøne.

Elias Slåtten (17) er Sunnfjord Venstre sin ungdomskandidat. Slåtten er elev ved Firda vidaregåande skule, sit i styret i Vestland Unge Venstre og er leiar i Gloppen Unge Venstre.

Fråsegner og valprogram
Sunnfjord Venstre gjennomførte både nominasjonsmøte og årsmøte 20. januar, og vedtok mellom anna fråsegner frå årsmøtet som gjeld frivilligheitspolitikk, krigsveteranar, stadutvikling, innsamling av matavfall, kommunen som samfunnsutviklar og om nettbrett til alle elevane i skulane i nye Sunnfjord kommune. Årsmøtet diskuterte også valprogram for Sunnfjord Venstre 2020 – 2023.

Årsmøtet valde Åge Avedal som styreleiar i Sunnfjord Venstre i 2019, med Vigdis Tonning, Eivind Standal Husabø, Birgit Tansøy og Ole-Magnus Kapstad som styremedlemer.

Her er heile lista til kommunevalet i Sunnfjord kommune 2019: