-Stad skipstunnel har vore prata om i mange år, men no skjer det, seier klima og miljøminister og 1.kandidat for Venstre i Hordaland, Sveinung Rotevatn.
– Stad Skipstunnel vil opne opp Vestlandet sjøvegen, og ha større ringverknader for utviklinga av kysten i framtida enn dei fleste kan sjå for seg i dag. Eg er svært nøgd med at Regjeringa no gjev «full gass» og fjernar all tvil om vidare framdrift for Stad Skipstunnel, seier ordførar i Stad og 1. kandidat for Venstre i Sogn og Fjordane, Alfred Bjørlo.
Stad skipstunnel vil bli 1,7 kilometer lang og vere dimensjonert for skip på storleik med hurtigruteskipa og store ringnottrålarar. Det vil seie seglingsbreidde på 21,5 meter, seglingshøgde på 33 meter og seglingsdjup på 8 meter.