18.01.2023
Til fylkesstyret, lokallagsleiarane og sideorganisasjonane
Innkalling til årsmøte for Vestland Venstre i Bergen
Fylkesstyret kallar med dette inn til årsmøte for Vestland Venstre
laurdag 11. og søndag 12. MARS 2023 på Grand Bergen, i Bergen sentrum.
Fylkesårsmøtet er planlagt å starte kl. 12 laurdag. Avslutning seinast 15.30 søndag.
På fylkesårsmøtet vil ein handsame saker i samsvar med vedtektene.
Hovudsak i 2023 vert handsaming av fylkesvalsprogrammet.
Førebels sakliste for årsmøtet i Bergen
ÅM-1. Opning og namneopprop
ÅM-2. Godkjenning av innkalling og sakliste
ÅM-3. Godkjenning av program
ÅM-4. Godkjenning av forretningsorden
ÅM-5. Val av dirigentar, fullmaktsnemnd, eventuell supplering av redaksjonsnemnd for fråsegner, møtesekretærar, referentar, teljekorps og signatarar
ÅM-6. Generell politisk debatt
ÅM-7. Fråsegner
ÅM- 8. Årsmelding 2022
ÅM-9. Rekneskap 2022
ÅM-10. Vedtektsendringar
ÅM-11. Handsaming og vedtak av fylkesvalprogram
ÅM-12. Organisasjonsdebatt
Vedtak av plan for valkamparbeidet i fylkeslaget
ÅM-13. Vedtak av budsjett 2023
ÅM-14. Suppleringsval til fylkesstyret
Supplering av landsstyreutsending
Val av valnemnd
ÅM-15. Val av redaksjonsnemnd for neste årsmøte
ÅM-16. Innkomne saker
Det er årsmøta i lokallaga og sideorganisasjonane som vel sine utsendingar. Lokallagsleiarane og leiarane for sideorganisasjonane pliktar å spreie informasjonen i denne innkallinga vidare til sine styre og medlemmer. Alle delegatar og observatørar må registrere seg i eit elektronisk skjema som opnar 1.februar. Lenke vert ettersendt.
Vedlagt her er ei oversikt over representasjonsretten for møtet og dermed talet på utsendingar per lokallag/organisasjon. Talet på utsendingar for lokallaga vert rekna ut etter medlemstal (betalande medlemmer per 31.12.) og stemmetal i kommunane ved stortingstingsvalet.
Frist for innsending av endringsframlegg til vedtektene er 1.februar. Det kan gjerast via denne linken.
Om ein har innspel til andre saker som fylkesårsmøtet skal handsame, må ein sende desse til fylkesstyret til [email protected] så snart som råd, og seinast innan 1.februar.
Endeleg sakliste og program vert utsendt i uke 6.
Frist for innsending av fråsegner til årsmøtet er sett til 5.mars
Påmelding
Hotellet treng namnelister seinast to veker før møtet og frist for å sende inn fullmaktskjema med utsendingar er onsdag 1. mars. Alle delegatar og observatørar må registrere seg i eit elektronisk skjema som opnar 1.februar. Lenke vert ettersendt.
Sakspapira vert sendt til dei påmelde utsendingane seinast 1 veke før møtet.
Det er oppretta eit Facebook-arrangement for årsmøtet.
Ein kan også følgje med i nettsaka om møtet for oppdatert informasjon.
Prisar
Utsendingane treng ikkje betale noko direkte til hotellet under opphaldet.
Vestland Venstre får tilsendt faktura for heile arrangementet i etterkant og fakturerer deretter lokallaga.
Fylkeslaget tenker at middagen vert dekka, og reiser over kr. 600.
Pris på overnatting på Augustin/Hordaheimen Hotel:
Enkeltrom inkludert frokost 1050,-
Dobbeltrom inkludert frokost 1250,-
Dagpakke laurdag: kr. 650 ,- per person
Dagpakke søndag kr. 650, – per person
Dagpakke inkluderer:
- Leige av møterom
- Smakfull lunsj som inkluderer kaffi og te
- Penn og papir i møterom, standard teknisk utstyr (prosjektor, flip over/white board og Wi-Fi)
- Kaffi og te heile dagen
- Pauseservering med forfriskingar og lett servering
Overnatting frå fredag
Om nokon ønskjer å reise til Bergen allereie fredag, eller finn det naudsynt grunna lang reiseveg, så er prisen for overnatting i enkeltrom med frukost kr 1050 per person. Denne ekstra overnattinga må delegaten sjølv eller lokallaget betala for.
Ta kontakt med Elizabeth eller Kent Are om du har spørsmål.
for fylkesstyret ved leiar Åsta Årøen
Beste helsing frå fylkesstyret,