Det vart vanskeleg å få tilsett ny tannlege her, mellom anna på grunn av mangel på utdanna tannlegar generelt i samfunnet. Eit anna argument var at det var vanskeleg å få tilsett tannlegar på einmannsklinikkar.
No er situasjonen endra, og det skal vere større moglegheiter for å få tilsett tannlege til desse klinikkane. Dette gjeld særleg klinikken på Haramsøy, no når kommunikasjonane er betre gjennom Nordøyvegen som bind øyane til fastlandet og gir godt samband til Ålesund.
Nordøyvegen endrar likevel ikkje det faktum at folkesetjinga på Nordøyane er sterkt aldrande, og at mange vil få problem med å reise langt for å oppsøke tannhelsetenesta. God tannhelse er særleg viktig for ein god alderdom.
Haram Venstre vil i den komande kommunestyreperioden arbeide for å få Møre og Romsdal fylkeskommune til å opne att tannklinikken på Haramsøy. Dette vil også bidra til å etablere kunnskapsbaserte arbeidsplassar i øysamfunna våre, noko det er stor mangel på i dag og som var ein del av argumentasjonen for å få bygd Nordøyvegen.
Torleiv Rogne
3. kandidat Haram Venstre