Samarbeidet mellom helsestasjonane, helsesøstrene og barnevernet må bli betre, og lågterskeltilbod som open barnehage styrkast.
I oppveksten utviklast mykje av evna til å ta kontroll over eige liv og ein grunnleggande kjensle av tryggleik og verdigheit. Vaksne menneske vel i stor grad si livsform og livsstil, men ingen velje si barndom. Det er viktig for Haram Venstre å arbeide for at kommunen lager gode ordningar for born som har det vanskeleg, og legg til rette for ei god barndom.
Born vil alltid prioriterast først.
Haram Venstre vil:
- Styrke kompetansen og kvaliteten i barnevernet og sosialtenesta slik at born som lever under vanskelege oppvekstvilkår får endå betre hjelp.
- Styrke samarbeidet mellom helsestasjonane, helsesøstrene og barnevernet.
- Auke nytta av familieråd i barnevernet, der stor-familien og nettverket rundt barnet/ungdommen vert nytta som ein ressurs i barnevernssaker.
- Ha god oppfølging av fosterforeldre og setje i verk tiltak for å auke rekrutteringa av fosterforeldre i Haram.
- Førebyggje ungdomskriminalitet gjennom eit forsterka samarbeid mellom, foreldra, skule, barnevern og politi.
- Styrke samarbeidet med frivillige organisasjonar og andre viktige aktørar på området.
- Arbeide for eit godt tilbod av fritids- og ungdomsklubbar.