Voss Venstre seier nei til storutbygginga av Raundalsvassdraget. Det bør derfor heller ikkje opprettast eit såkalla “Raundalsutval”, som skal gjennomføra ei tids- og pengekrevjande utgreiing.
Hovudargumenta mot den skisserte utbygginga er – i kortversjon:
– Dei argumenta og verdiane som ligg bak vern av vassdrag og naturområde i Noreg, og for Vossovassdraget på 80-talet, har fått stadig større tyding i seinare år. Det gjeld å ta vare på naturmangfaldet for noverande og komande generasjonar, naturoppleving og friluftsliv, plante- og dyreliv, kulturminne og kulturmiljø m.v.
– Det norske vassdragslandskapet med fossar, elvar og fjordar representerar noko spesielt i internasjonal samanheng. Naturressursane, naturen i fjord- og fjellområda, er ein heilt sentral føresetnad for reiselivet i Voss og indre strok av Hordaland. Det er også naturen og reiselivet som særleg gir von om verdiskaping og fleire arbeidsplassar i bygda.
– Raundalselva er ikkje berre eit viktig element i den vakre naturen i Voss, men gir alt no verdiskaping og næringsliv gjennom m. a padling og rafting. Den skisserte utbygginga vil øydeleggja for dette.
Skulle det derimot vera grunneigar(ar) som vil satsa på å få utgreidd minikraftverk med effekt inntil 1 MW – som Stortinget har gitt grønt lys for – er Venstre villig til å vurdera det.
Med helsing
Torstein Gunnarson
for Voss Venstre
