Fleirtalet i helse- og omsorgskomiteen, som har laga innstilling til bystyret i dag vil at ordførar skal ha 75% av statsrådslønn. Venstre fekk berre med seg ein frå Høgre og ein frå SV i forslaget om å vere moderat i lønnsnivået og halde seg på same nivå som stortingsrepresentantane. I praksis vil forskjellen mellom Venstre og fleirtalet vere at ordførar i neste periode vil få kr 750 900 om Venstre får fleirtal, og kr 833 400 om fleirtalet i organiseringsutvalet og helse- og omsorgskomiteen får fleirtal også i bystyret.
– Å bli vurdert på same linje som ein stortingsrepresentant bør vere fornuftig for ein ordførar i ein såpass stor kommune som Arendal, seier Venstres gruppeleiar Jan Kløvstad, som legg til at ei årslønn på kr 750 900 bør vere svært attraktiv. Seinare i dag har regjeringa bestemt auke av statsrådsløn og stortingsløn, sjå NRK.no. Derfor er også detaljsummane i denne artikkelen noe justerte utfrå nye tal sidan Venstre stilte forslaget i formiddag.
Bystyret skal vedta ny organisering av det politiske arbeidet og nivået for lønn og godtgjersler for perioden 2011-2015. Venstre støttar forslaget frå ein komite, der noen av hovudlinjene er å halde på komitestrukturen, slå saman planutval og kommuneplanutval, styrke formannskapet og justere noen av godtgjerslene. Venstre støttar også forslaga om godtgjersler rekna i prosent av ordførarlønna for andre kommunale verv. Totalt vil Arendal kommune spare rundt 9,8 % av utgiftene til politikarane om Venstre får fleirtal. Venstres linje er oppfølging av Venstres forslag også for fire år sidan, da Arendalspolitikarane fekk eit enormt lønnsopprykk.