Nytt fortau er også ein føresetnad for at eit planlagd byggjefelt i Brynamarka kan bli realisert. No har utbyggjar, kommune og fylke inngått ein spleiseavtale for å få prosjektet realisert.
Det vart likevel lang debatt i kommunestyremøtet i februar. Det skuldast at det ikkje var inngått avtale om grunnavståing til ein tilkomstveg. I saka var det derfor antyda at oreigning kunne bli aktuelt — noko mange er skeptiske til.
Venstre røysta for avtalen, og såg på den som eit godt eksempel på samarbeid mellom det offentlege og private. Torstein Gunnarson understreka at kommunen i framtida må gå tyngre inn for å få bustadbygging på dei område som er mest tenleg for utvikling av bygdesenteret, og ikkje i så stor grad som no vera avhengig av einskilde grunneigarar.
I slutten av mars vil kommunestyret ta stilling til ein heilskapleg trafikksikringsplan.
