I "Kommunal Rapport" 23/8-2012 kan ein lesa at regjeringa har lova å gjera samarbeid med private aktørar lettare i forbindelse med bygging av omsorgsbustader — der private aktørar står som eigar. Ein ny veiledar skal setja fart i samarbeidet.
Eit problem har vore at det ikkje har vore mogeleg å vidaretildela tilskotet til privat utbyggjar.
Slik innlegget kan tolkast — i fylgje KS Advokatane – er det mogeleg at tilskotet kan nyttast til andre føremål , og så bidra til å finansiera omsorgsutbygging ved å betala høgre leige for plassane.
Som me veit byggjer Voss Kommune omsorgsbustader på Vossestrand i samarbeid med privat aktør.
I oversikten i "Kommunal Rapport" kan eg ikkje sjå at Voss Kommune står på lista over kommunar som har søkt eller sendt forespørsel til Husbanken — som altså forvaltar denne ordninga.
Spørsmål :
1. Kan ordføraren tenkja seg at Voss Kommune kan søkja Husbanken om å få nytta seg av denne ordninga i forbindelse med utbyggjinga på Vossestrand ?
2. Kan det tenkjast at ei slik ordning kan eskalera planar om utbyggjing av omsorgsbustader for eksempel på den sentralt beliggjande "Udlabutomta"?
På vegne av Voss Venstre
Jorunn Ytrefjord
