Ordføraren med lite nytt om høgare utdanning

Venstre sin gruppeleiar i kommunestyret, Torstein Gunnarson, ba i førre FPL-møte om ei orientering knytt til status for utgreiing om organisering av høgare utdanning i Voss kommune. Ordføraren hadde lite nytt å fortelja.

**OBS! Denne artikkelen ble første gang publisert for 12 år siden.**


Gunnarson minna om kommunestyrevedtaket i sak 86/11 (Budsjettet), der det m.a blei samrøystes vedtatt:

tg

Foto: ar

Kommunestyret ber om:

4. Snarleg framlegging av sak om organisering av høgare utdanning i Voss.
(Kommunestyret minner om at kommunestyret 16.12.10 ved budsjettet for 2011
vedtok dette, og at det i notat til FPL 08.06. blei sagt at notat skulle koma i august.)

Bøker, skole

Foto: Microsoft

Minner og om målsetjing i kommuneplanen om å “Utvikle høgskule- og universitetstilbod som er tilpassa regionen og næringslivet sin trong for kompetanse.”

Ordførar Hans-Erik Ringkjøb vart svar skuldig, og sa i følge avisa “Hordaland” sitt referat pr. torsdag 27. september: – Her er lite nytt å fortelja. Så eg blir nok svar skuldig. Ordføraren minna om at det i samband med næringshagen, som er i etableringsfasen, planar om å skapa høgskuleutdanning på ingeniør-nivå.

Venstre meiner det er viktig å jobba for å styrka kunnskapsprofilen til kommunen vår generelt, og at me lyt styrka høgskule- og universitetsnivået spesielt. Ei styrking her vil utelukkande vera bra for Voss, men òg for nabokommunane som slik sett vil få endå ein fordel med å ha Voss som eit nært og sterkt regionsenter.

Dokument, program

Foto: Microsoft

**OBS! Denne artikkelen ble første gang publisert for 12 år siden.**