Opplærings- og helseutvalet i fylket ville berga musikklinja, men ofra i staden medialinja. Dette vert framstilt som eit kompromiss, sidan nye Voss gymnas vil få programfag medium og informasjonskunnskap på studiespesialiserande.
– Dette er ikkje noko nytt me får. Media er alt eit programdag på gymnaset i dag, seier Knut Olav Nestås til avisa “Hordaland.
Nestås oppmodar no alle lokalpolitikarar i Voss kommune til å ta kontakt med sine fylkestingsgrupper. – At fylkesrådmannen trur at medium og kommunikasjon ikkje er viktig for Voss, lyt stå for hans rekning. Men tilbodet er det einaste av sitt slag i regionen. Når argumentet om at alle regionar skal ha eit breitt tilbod innan vidaregåande utdanning reddar musikklinja, verkar det litt søkt at føresetnadane stiller seg annleis for medium og kommunikasjon.
– Men det tyngste argumentet er at dette er i ferd med å verta ei framsyning av “keisarens nye klede” i fylkespolitisk regi: Media og informasjonskunnskap er eit programfag ved Voss gymnas i dag, og lærarane i dei kreative miljøa både på gymmen og på husfliden har sett fram til dei synergieffektane eit framtidig samarbeid kunne ha gitt, avsluttar Knut Olav Nestås, leiar for Voss Venstre.