Førstekandidat for Venstre i Hordaland og nestleiar i Venstre, Terje Breivik, peiker på at situasjonen er heilt uhaldbar. – I tillegg til at næringslivet tapar pengar i dag, kan ei vedvarande stenging føra til permanent tap fordi kundane finn alternative leverandørar, ikkje minst gjeld det reiselivet som har lang tidshorisont marknadsmessig, konstaterer Terje Breivik.
I spørsmålet til statsråden, spør Venstre:
Kva vil ministeren gjera for å betra på den uhaldbare og fortvilande situasjonen for næringslivet og lokaltrafikken som fylgje av at Gudvangatunnelen er stengd og kan verta stengd i fleire veker til?
I tillegg peiker Venstre på nokre av alternativa som føreligg:
– Døme på avbøtande tiltak kan vera å setja inn ferje over Nærøyfjorden, kolonnekøyring gjennom tunnelen til faste tider – og auka ferjekapasiteten over Hardangerfjorden.
