Vi set ungdom først, og det betyr at vi prioriterer saker som er viktig for deg her og no, og i framtida. Det betyr mellom anna å sikre at kommunen har nok lærlingplassar og arbeidsplassar, trygge vegar, attraktive og billige bustadtomter, eit godt kulturtilbod, nok barnehage-plassar og at vi beheld dei skulane vi har i dag. Det er viktig at det finnast gode og varierte tilbod om vidaregåande opplæring i fylket vårt, samt godt skysstilbod slik at mange kan bu heime under utdanninga. Vi prioriterer også høgt å jobbe for å ta vare på og verne om den flotte naturen i kommunen vår.
Bruk stemmeretten din på valdagen den 14. september. Uansett kven du vel å stemme på, er di røyst eit viktig bidrag for å ta vare på demokratiet vårt.
KVIFOR STEMME PÅ ASKVOLL VENSTRE?
Askvoll Venstre vil:
- Jobbe for å skaffe attraktive bustadtomter der du vil bu.
- Leggje til rette for fleire lærlingplassar og arbeidsplassar.
- Satse vidare på kulturarbeid for born og unge i heile kommunen.
- Skape større engasjement for fornybar energi og teknologi.
- Jobbe for Atløysambandet og rassikring av FV 609 m.fl.
- Bygge ut breiband og mobile tenester. Fiber er framtida.
- Seie klart nei til gruvedumping i Førdefjorden. Vi vil jobbe aktivt for å hindre eit framtidig fjorddeponi.
Dersom nokre av desse sakene er viktig for deg, ber vi om di stemme for å setje sakene sterkare på dagsordenen.
Godt val!