Dei jobbane vi skal leve av i framtida må skapast no. For å oppretthalde velferda vår og sørge at alle har meiningsfylte aktivitetar å fylle kvardagen med, må vi skape mange nye arbeidsplassar i åra som kjem. Vi må også bli flinkare til å inkludere fleire i arbeidslivet enn vi klarar i dag.
Venstre heiar på de som torer å satse og skape ein arbeidsplass for seg sjølv og nokre til. For oss er det eit mål at fleire startar for seg sjølv. Difor føreslår Venstre i sitt alternative statsbudsjett for 2018 å legge til rette for at overgangen frå eit tilsetjingsforhold eller avslutta utdanning til det å starte for seg sjølv, blir så enkelt som mogleg.
Det gjere vi blant anna ved å fjerne diskriminerande reglar og ordningar som gjere at gründerar og små og mellomstore bedrifter betalar meir skatt og har dårlegare sosiale ordningar enn lønnsmottakarar. Særleg viktig er det å legge til rette for fleire kvinnelege gründerar og gründerskap i tradisjonelt kvinnedominerte sektorar.
Venstre vil også ha eit krafttak for å tilpasse utdanningsinstitusjonar og utdanningsløp til morgondagens arbeidsmarknad, der mange fleire startar en arbeidsplass for seg sjølv. Vi vil utvikle og satse på program som lærer gründerar å kommersialisere og skalere opp idéane sine.
Nye bedrifter og sjølvstendig næringsdrivande skapar årleg ein stad mellom 20.000-30.000 nye arbeidsplassar. Venstre har som mål å doble dette. Difor føreslår vi å fjerne arbeidsgjevaravgifta i tre år for nystarta bedrifter med mindre enn 5 tilsette, styrke sjukelønsordninga for sjølvstendig næringsdrivande og å la sjølvstendig næringsdrivande behalde opparbeidde rettigheiter til dagpengar i inntil to år, ved overgang frå lønna arbeid til eiga verksemd.
Framtidas jobbar vert skapte i dag. Venstre er på lag med framtida, og difor har vi fremma eit forslag til statsbudsjett som vil bidra til å skape nye, grøne arbeidsplassar som vil skape vekst og verdiar i åra som kjem:
- Auka lærlingtilskot (5.000 kr per kontrakt): 100 mill. kr.
- Fritak for arbeidsgjevaravgift (nye lærlingar): 90 mill. kr.
- Styrke forslaget til ny opsjonsskatting for gründerbedrifter: 105 mill. kr.
- Inga arbeidsgjevaravgift i tre år (nystarta bedrifter med mindre enn 5 tilsette): 190 mill. kr.
- Utvide ordninga med tilskot til bedriftshelseteneste til å gjelde alle bedrifter: 240 mill. kr.
For meir informasjon, ta kontakt med Gunhild Berge Stang