9. september neste år er det kommune- og fylkestingval. Då skal innbyggjarane i det nye storfylket velje 65 representantar til det nye fylkestinget. Kommunal- og moderniseringsdepartementet har føreslått at valet i 2019 vert gjennomført som om fylkessamanslåinga allereie har funne stad. Hordaland Venstre og Sogn og Fjordane Venstre har derfor lenge arbeidd med å stille felles liste føre valet neste år, sjølv om vi formelt sett ikkje vert eitt samla fylkeslag før 1.1.2020.
Ei felles nominasjonsnemnd er godt i gang med arbeidet. Leiar for nominasjonsnemnda er Peder Lofnes Hauge.
Desse er interessert i ei Topp-5-plassering på lista
Så langt har følgjande personar svart/signalisert at dei ønskjer ei topp-5-plassering på lista (her alfabetisk etter fornavn):
- Agnes Hoshovde Bernes (ungdomskandidat), Radøy/Alver
- Anne-Beth Njærheim, Bømlo
- Daniel Gangeskar, Vågsøy
- Elizabeth Toft Erichsen, Sund/Øygarden
- Geir Angeltveit, Stord
- Geir Kjell Andersland, Bergen
- Gunhild Berge Stang, Fjaler
- Sittande representant Alfred Bjørlo, Eid, har svart nemnda at han ikkje ønskjer ei Topp-4 plassering, men at “ein 5. plass er ok om det kan gje ein samla god kabal”.
Alfabetisk liste over innspel på namn
På vårparten vart alle lokallag og sideorganisasjonane oppmoda om å kome med innspel på namn på aktuelle folk til fylkesvallista. Alle innspel er no i haust samla i ei alfabetisk liste med namn som er sendt til lokallagsleiarane.
OPPGÅVE 1 – FOR LOKALLAGA
Nominasjonsnemnda ønskjer no at alle lokallag/sideorganisasjonar har medlemsmøte/styremøte og set opp ei rangert liste med 10 namn.
Det er fint om de klarer å føre opp namn frå begge fylka på denne lista og at den har litt balanse når det kjem til kjønn og geografi.
Frist for å sende inn rangert liste til [email protected] er fredag 12. oktober.
OPPGÅVE 2
Nemnda er framleis interessert i fleire innspel på namn til lista frå alle lokallag – særskilt namn på folk som kan vere aktuelle for plassane bak topp-ti-plasseringa. Vi har denne gangen høve til å stille ei liste med heile 71 namn!
Send innspel på namn til fylkessekretæren på [email protected].
Hugs på å spørje dei som de føreslår først!
Spørsmål til nemnda kan rettast til Peder Lofnes Hauge, [email protected]
—————————————
Listeframlegget vil gjerast offentleg i slutten av oktober, to veker før det felles nominasjonsmøtet for Vestland Venstre som finn stad på Thon Hotel Førde laurdag 10. november.
Alle lokallag må snarast råd tenkje på å kalle inn til lokalt medlemsmøte for å velje delegatar til fylkesnominasjonsmøtet.
Meir detaljer om nominasjonsmøtet sendast lokallagsleiarane.