«Vi må sikre livskvalitet, god helse og gode omsorgstjenester. Vi må ta vare på heile mennesket»
Det skal vere trygt og godt for alle born og unge i vår kommune, og oppvekst må stå i fokus. Vi treng fleksibilitet når det kjem til opningstider i barnehagar, og det må vere rom for at alle får plass. Det er vidare viktig å satse på skulen som ein arena der alle born skal få utvikle sitt potensiale samt tileigne seg kunnskap.
- Det skal vere trygt og godt å vekse opp for alle born og unge i vår kommune. Det er difor viktig å satse på skulen der alle born skal få utvikle sitt potensial, og få tileigne seg den kunnskapen dei treng.
- Fange opp dei som fell utanfor så tidleg som mogleg, og gje dei den hjelp dei måtte trenge frå dei ulike støttefunksjonane.
- Vi treng vi fleksibilitet i opningstider i barnehagane, samt full barnehagedekning.
- Skulane vi har skal vi gjere alt for å behalde.
- Vi må ha eit godt kulturskuletilbod, og støtte frivillige lag og organisasjonar.
- Det skal vere lettare for dei unge å vende tilbake til kommunen for å etablere seg.
- Tilrettelegging for nye arbeidsplassar der etableringsprosessen bør forenklast, samtidig som vi tek vare på det eksisterande næringslivet.
- Vi i Venstre seier JA til gruvedrift, men NEI til fjorddeponi.
- Rask løysing for rassikring for FV 609.
- Halde trykket oppe for at Atløysambandet blir realisert i næraste framtid.
- Arbeide for at breidband og mobildekning går til alle i vår kommune.
- Det skal vere trygt og godt å bli eldre i Askvoll kommune.
- Det skal vere omsorg og fellseskap i vår kommune, og tryggleik for at ein får hjelp når ein treng det.
- Trygg og verdig alderdom der ein er med å bestemme over sin eigen kvardag.
- Alle eldre skal møtast med fleksible tilbod som fangar opp ulike ynskjer og behov.