Ordførar,
20. november inviterte Ungdommens distriktspanel alle landets kommunar til å gje innspel på 15 framlegg til framtidas distriktspolitikk, utarbeidd av ungdomspanelet. Invitasjonen gjekk til ordførarar og ungdomsråd, med oppmoding om å behandle saka og gje innspel til fristen 1. februar. Ungdomsrådet blei orientert i møte 24. november og skal drøfte saka 2. februar.
Venstre tykkjer det er bra at ungdomsrådet tek opp saka og vi oppmodar rådet om å gje innspel. Her kan ungdommen sjølv meine kva som må prioriterast, for at unge vel distrikta framover.
Vi etterspør samstundes at innspela frå rådet blir tekne opp i andre utval. Dette er eit viktig tema, ei viktig sak og vi viser då i praksis at vi tek ungdom på alvor. Det er også eit godt høve til å lokalt ta tak i tema som ungdommen er opptekne av.
Har ordførar, varaordførar og leiarane av komiteane diskutert dette? Når nestleiar i komitè for samfunnsutvikling, Hans Christian Knutsen (SV), også er medlem i Ungdommens distriktspanel, er det noko underleg dersom saka ikkje får meir merksemd. Dersom ingen innspel eller politisk drøfting, er det vel smått pinleg?
Trude Risnes
Gruppeleiar Sogndal Venstre