Venstre meiner at det i samband med samfunns- og arealplanlegginga bør jobbast fram ei heilskapleg oversikt for heile kommunen, over kva natur- og friluftsområde kommunen ønskjer å leggje til rette for tilkomst og utfart til. Vidare korleis kommunen kan bidra.
Dette er i tråd med kommunens strategi for nærings- og samfunnsutvikling, og forventningar i Visit Sognefjord sin masterplan for reiseliv
Samstundes ønskjer vi at kommunen snarast kjem i dialog med grunneigarar og Sognekraft, for å konkret drøfte tilkomst og tilrettelegging i Grindsdalen. Det gjeld spørsmål om brøyting og tilkomst vinterstid, og tilrettelegging for parkering. Areal som no har vore anleggsområde blir snart rigga ned. Det er i innbyggjarane si interesse at kommunen no har dialog med grunneigarar og Sognekraft om korleis slikt areal eventuelt kan leggjast til rette for trygg tilkomst og utfart for friluftsglade innbyggjarar og besøkjande.
Av Trude Risnes, Gruppeleiar Sogndal Venstre, Sogndal