Hareid Ride- og Køyreklubb har fått tilsagn om spelemidlar til bygginga av ridehallen, og laget er komne godt i gong med arbeidet med tomta. Heile tomta er no utgrave. Omlag 3000m3 jord er traua ut og ligg langs kanten.
Spenncon køyrer til betong og anna fyllmasse dagleg. Tomta vil etter planen vera ferdig utfylt til våren. Vidare fylling rundt bygget vil ta ytterlegare ca eit halvt år.
Vegen til ridehalltomta er oppgradert og grusa. No utpå sommaren vil ein legge fram vatn og straum til tomta. Hareid Ride- og Køyreklubb tek sikte på å byrje støyping av fundament tidleg på våren neste år, og få hallen på plass før sommarferien same året.
Kjelde: Hareid kommune sine nettsider.
**OBS! Denne artikkelen ble første gang publisert for 16 år siden.**