Venstre har fleire gonger dei siste 10 åra gjort framlegg om å liberalisera regelverket for å stimulera til meir nyskaping og næringsutvikling i distrikta.
– Eg er svært nøgd med at regjeringa no fylgjer opp Venstre sitt framlegg, som vil gjera det enklare for norske siderbønder og andre småskalaprodusentar å få omsett sine produkt, seier Breivik.
– Det er god næringspolitikk, distriktspolitikk og landbrukspolitikk. Det er ein stor dag for siderbøndene, og for reiselivsnæringa i distrikta, utdjupar han.
I 2010 vart eit framlegg frå Venstre nedstemt av dei raudgrøne partia og KrF. No sikrar altså Venstre fleirtal i Stortinget for ei tilsvarande liberalisering av regelverket for gardssal av alkoholhaldige produkt, som eple- og pæresider.
**OBS! Denne artikkelen ble første gang publisert for 8 år siden.**