– Telemark Venstre har fått gjennomslag for ei rekkje viktige saker på Venstres landsmøte i helga. Me har fått på plass ein sterkare og meir offensiv distriktspolitikk. Det er ekstra viktig no når Venstre har blitt regjeringsparti, seier fylkesleiar Torgeir Fossli
På venstre side sitter Marius Skeie (Telemark), Geir Mjøen (Porsgrunn), Solfrid Rui Slettebakken (Telemark) og på høyre side sitter Ingrid Åmlid (Telemark Unge Venstre), Torgeir Fossli (Telemark) og Haakon Wærstad (Skien)
Fossli har leia Telemark-delegasjonen. Venstres landsmøte har vedteke politikk på fleire område som er viktige for Venstre: Skule, kultur, miljø og klima, inkludering og sosialpolitikk. Landsmøtet vedtok også ei eiga fråsegn om distrikts- og regionalpolitikk: https://www.venstre.no/artikkel/2018/04/15/loft-for-heile-landet/
Fossli trekkjer fram følgjande andre saker som særleg viktige gjennomslag for Telemark Venstre på landsmøtet:
– Nasjonal Transportplans vedtak om høgfartsbanar må fylgjes opp.
– Ja til utjamning av nettleige
– Vidare trykk på utflytting av statlege arbeidsplassar
– Styrking av senter-satsing også i distrikta
– Merkur-ordninga skal halde fram (for å sikre butikkar i distrikta)
– Me seier nei til legalisering av narkotika
– Evaluere konsolideringsordninga for musea og finansieringa av undermusea i Norge.
– Ha ei opptrapping av arbeidet med den immaterielle kulturarven
– Etablere forbod mot norsk produksjon og bruk av mikroplast i kosmetikk og kroppspleieprodukt.
Fossli ser òg fram til eit godt samarbeid med Vestfold framover der me saman skal arbeide for det grøne skiftet i regionen vår. Stemninga i båe delegasjonane var høg!
Heile fråsegna om distrikts- og regionalpolitikk kan lesast her
Andre vedtekne fråsegner finn du her
Kontaktinformasjon:
Torgeir Fossli, leiar i Telemark Venstre, mobiltlf 960 88 515.