– Eg trur ikkje det er nokon på Stord, verken i kommunestyret eller elles som ønskjer å dela Landåsen i to, seier Angeltveit.
Stord Venstre ynskjer ikkje at ein skal legga E39 tvers gjennom Landåsen. På kommunestyremøtet 19. juni skal ein fastsetta plan- og utgreiingsprogram for konsekvensutgreiinga av E39 mellom Heiane og Nordre Tveita.
I forslaget til denne planen frå Statens Vegvesen er det eit alternativ som innebærar at vegen vert lagt tvers gjennom Landåsen.
«Bynære friluftsområde er gull verdt for trivsel og folkehelse. Landåsen er brukt av folk i alle aldrar nesten heile døgeret, og er vår «Nordmarka.» Ved å behalda Landåsen slik den er i dag legg Stord Kommune til rette for å kunna ta gode val for helse, og for dei gode opplevingane. Alternativ trasé gjennom Landåsen bør ut av planprogrammet før konsekvensutgreiinga». Dette seier Astrid Larsen, som er Venstre-politikar, styreleiar for Friluftsrådet Vest, og kvardagsfriluftsmenneskje. Og er samd med Angeltveit i at dette ikkje er eit god løysing.
Det er fire andre alternativ som alle ser langt betre ut enn å kryssa Landåsen. Samstundes som ein får ei forbetring av denne vegen ynskjer Venstre også å få på plass ein god sykkeltrasé mellom Heiane og Leirvik. Det er per dags dato langt frå tilfredsstillande.
Å klart formidla at ein ikkje ynskjer å konsekvensutgreia miljøfientlege alternativ kan gjerne kosta ein ny høyringsrunde. Kunnskap visar at konsekvensutgreiingar oftare førar til miljøinngrep enn å la vera.