– Dette lesarbrevet var på trykk i Bladet Sunnhordland 25.04.2013.
Under debatten om konkurranseutsetjing kom Arbeidarpartiets Harry Herstad til å seie mellom anna;
Eg undersøkte litt vidare dette, då det var heilt nytt for meg, og sikkert mange andre. Og fann ut at dette med stort sannsyn er heilt, eller stort sett feilaktig Som ein kan sjå av oversikta på Oslo kommunes nettsider.
Berre 20 av Oslos 50 sjukeheimar er private. Dei private vert drivne av diverse ideelle stiftelsar og kyrkjelydar (13), Unicare (2), Attendo (2), Aleris (1) og Norlandia Care (2). Det er altså berre 14% av Oslos sjukeheimar som vert driven av kommersielle aktørar, altså ein tredjedel av dei private! Så det er feil allereie her.
Dei kommersielle sjukeheimane er om noko litt større enn dei ideelle og dei kommunale, så det vert nok ein høgare andel av bebuarar i ein kommersiell sjukeheim, men det er ikkje snakk om noko overvekt.
Når det gjeld kor overskotet frå dei 7 kommersielle sjukeheimane går så finn eg ingen opplysningar i korkje Brønnøysundregistrene eller på deira eigne nettsider som tilseier at dei er eigd av sveitsiske selskap. Dei er alle saman basert i Noreg og/eller Norden. Eg kan ikkje garantera at skatteplanlegginga overhovudet ikkje føregår, men Oslo Kommune stillar strenge krav til at lovar og reglar vert overhalde, sjølvsagt inkludert det som går på skattar, avgifter og generelle reglar for etablering av internasjonale selskap i Noreg.
Eg vil gå så langt å anta at det Harry Herstad sa, er tatt ut av lufta. Sjølv om eg ikkje kan garantera at kr 0,- endar opp i Sveits. Skulle det derimot vera tilfellet så er det all mogeleg grunn til å tru at det er innanfor det nasjonale regelverket som Arbeidarpartiet og dei raudgrøne har stortingsfleirtal til å avgjera. Og eventuelle lovbrot Herstad måtte vera kjend må jo sjølvsagt verta følgt opp om det vert avdekka. Men eg tvilar sterkt på at det siste er tilfellet, då det har vore høgt medvit kring slik mishald den seinare tida, men aldri mogeleg å vera 100% sikker. Tar eg heilt fullstendig feil, så tar eg sjølvsagt imot kritikk på det.
Og ein kan godt titulera meg som Unge Venstre, Harry. I den samanheng så set eg min lit til BT-kommentator Frøy Gudbrandsen; «Sjølvsagt er Unge Venstre nokre provoserande villstyringar. Men dei har rett likevel.»
Med venleg, og alltid liberal helsing,
Geir Angeltveit
Kommunestyrerepresentant
Stord Venstre