Dermed kan det verte fleire arbeidsplassar i dalen og ungdomar kan lettare velje dene retninga når dei skal bestemme seg for eit framtideg yrke.
Det vert oppstartsmøte 11.mai for å sjå på moglegheitene for å få etablert ein fagskule på Geilo. Målet for det opne møtet er å få reiselivsnæringa på banen.
Venstre tok initiativet
Initiativet til reiselivsfagskulen kjem frå Buskerud Venstre.
Før forrige kommune- og fylkestingsval programfesta partiet ønsket om ein fagskule for reiseliv i Hallingdal. Og då Venstre saman med SV, MdG, Sp og Ap forhandla fram ein samarbeidsplattform, vart fagskulen løfta vidare opp eit nivå.
Sidan har det vorte fleirtal både i hovudutval for utdanning og i fylkestinget for å satse vidare på fagskulen.
Kun ein reiselivsfagskule frå før i landet
– Frå før er det kun ein fagskule for reiseliv i Norge. Han ligg i Lofoten, seier Urke. Ho meiner at mykje ligg til rette for at Fagskolen Tinius Olsen med hovudbase i Kongsberg kan starte opp det eitt/toårige utdanningstilbodet.
– Det er langt å reise til Lofoten, så eg trur absolutt at det vil vere elevgrunnlag for ein slik fagskule her i Sør Noreg, også, seier venstrepolitikaren. Ho er spent på responsen frå reiselivsnæringa på Geilo.
– Eg vonar dei ser nytta av ein slik skule og dei positive synergiane ein reiselivsfagskule kan gi, seier Urke.
Les også: Studentene er del av et levende sentrum i Kongsberg
Kanskje 2018?
Sissel Urke er optimist når det gjeld når ein reiselivsfagskule i Hallingdal kan vere på plass.
– Vi satsar på å kunne ynskje nye studentar velkomne hausten 2018, seier ho.
Så her er det ingenting å seie på ambisjonane.
– Følg Buskerud Venstre på Facebook
Buskerud Venstre
– Følg Buskerud Venstres stortingskandidat på Facebook
Rebekka Borsch – Venstre